राख सम्वाददाता
झुम्का, साउन ३१ । स्थानीयतहको योजना प्रक्रृयामा निर्वाचित महिला जनप्रतिनिधिहरुको अर्थपूर्ण सहभागी बढाउन रामधुनी नगरपालिकामा “शी लिड्स महिला नेतृत्व बिकास प्रशिक्षण कार्यक्रम” सुरु भएको छ । स्थानीय सरकार सञ्चालन ऐनले स्थानीय तहको वडा समितिको काम, कर्तव्य र अधिकार स्पष्ट गरे पनि व्यवहारमा भूमिका विहीन बन्दै गएपछि महिला जनप्रतिनिधिहरुमा क्षमता बिकासकालागी तालिम सहित प्रशिक्षण कार्यक्रम संचालन गरेको हो ।
दलित महिला केन्द्र नेपालले शी लिड्स परियोजना अन्तर्गत आइतवार देखि रामधुनीका निर्वाचित महिला सदस्य १८ जनालाई क्षमता अभिबृद्धिकालागी चार दिने महिला नेतृत्व बिकास तालिम सुरु गरेको छ । तालिम प्रशिक्षणको दोस्रो मोड्युल हो । प्रशिक्षणमा स्थानीय सरकारको योजना, कार्यन्वयन र अनगुमन प्रक्रिया, सरोकारवालाहरु संग सहकार्य प्रक्रृया, बैठकको योजना रव्यवस्थापन, तथ्याङ्क अध्यावधिक तथा व्यवस्थापन, सक्रिय सुनाई, सञ्जालीकरणको बारेमा अभ्यास सहित प्रशिक्षण गराउने छन् ।
संघिय र प्रदेश सरकारबाट स्थानीयतहमा प्राप्तहुने अनुदानका प्रकारमा बित्तिय समानिकरण अनुदान र राजश्व बाँडफाँडबाट प्राप्त हुने रकममा शसर्त र निशर्त दुवै प्रकारको अनुदान बारे तथा समपुरक र बिशेष अनुदानका बारेमा जानकारी गराइने छन् । पुँजिगत खर्च र चालु खर्च बिषय र सो खर्च छुट्याउने तथा बजेट सिमा निर्धारण गर्ने बिधिको बारेमा महिला जनप्रतिनिधीहरुलाई प्रशिक्षण दिने छन् । यसैगरी पुँजिगत खर्चको मापदण्ड, टोल बस्ती भेलामा योजना माग गर्ने तरिकाको बारेमा अभ्यास सहित प्रशिक्षण गराइने छन् ।
दलित महिला केन्द्रको क्षेत्रिय संयोजक तथा संबिधान सभा सदस्य समेत रहनु भएका अनिता परियारको सभापत्विमा नगरप्रमुख जयप्रकाश चौधरीको प्रमुख आतिथ्यतामा प्रशिक्षण उद्धघाटन भएको छ । उद्धघाटनमा सामाजिक कार्यकर्ता शरिता घिमिरे, शिक्षक संघ अध्यक्ष गोबिनद चौधरीको उपस्थिती रहेको थियो । प्रशिक्षणकालागी चार दिन मोहन तिमसिनाले सहजीकरण गर्ने कार्यक्रम संयोजक रामसुन्दर मेहता जानकारी दिए ।