रामधुनी खबर संवाददाता
झुम्का, कार्तिक ३ । चाडपर्वमा आ–आफनो घरमा सबैले मिठो मसिनो खाने र रमाइलो गर्ने परम्परानै छ । आफनो आफन्त संगको भेटघाट रमाइलो गर्ने बिशेष चाडपर्वमा मनाउने गरिन्छ ।
तर साहारा विहिन बाध्यत्मक रुपले श्री रामजानकी शान्ति बृद्धा आश्रम इटहरी १६ पकलीमा बस्दै आएका बृद्धाहरु पनि आम सर्वसाधारण जस्तै मनाउनका लागि मनकारी हातहरुले सहयोग वितरण गरेका छन् ।
पूर्वाञ्चल एक्साइड व्याट्री अधिकृत विक्रेता तथा सिप्रदी ट्रेडिङ्गका कर्मचारीहरुले रकम संकलगरी रु ३० हजार बराबरको खाद्ययान्न, ओढ्ने ढाका सल, फलफुल र रकम समेत हस्तान्तरण गरेका छन् ।
सिप्रदी ट्रेडिङ्गका दिपेन्द्र चौधरीको संयोजकत्वमा बृद्धाहरुलाई ओढ्ने ढाकाको सल, फलफुल र खाद्यान्न वितरण गरेका छन् । श्री रामजानकी शान्ति बृद्धा आश्रम पकलीका अध्यक्ष ठगेन्द्र प्रसाद आचार्य र सन्तोष ओझाको उपस्थितीमा हतान्तरण गरेका हुन् ।
सहयोगी कर्ताहरुले पकली बृद्धा आश्रममा रहेका १९ जना बृद्धाहरुलाई ओढ्ने ढाकाको सल ओढाई नयाँ लता कपडा ओढेको आभास दिलाएका छन् ।
नयाँ कपडा सहितको सहयोग वितरणले पकली बृद्धा आश्रमका बृद्धाहरु हर्षित भएका छन् ।
पूर्वाञ्चल एक्साइड व्याट्री अधिकृत विक्रेता तथा सिप्रदी ट्रेडिङ्गका कर्मचारीहरुले व्यवसायिक, सामाजिक, उत्तरदायित्व बहन गर्ने उधेश्यले बेला बेलामा सहयोग वितरण गर्दै आएका छन् । सेवाका कार्यहरुमा लाग्ने र सेवाको भाव जगाउन सहयोग गर्दै आएका छन् । यस भन्दा पहिले भासि मावि विद्यालयमा रु ७० हजार बराबरको विद्यालय पोशाक तथा स्टेशनरी वितरण गरेको संयोजक दिपेन्द्र चौधरीले जानकारी दिनुभयो ।
चौधरीको संयोजकत्वमा सामुहिक रुपले सहयोगी कर्ताहरु सुरेन्द्र श्रेष्ठ, सन्जविर योजन तामाङ्ग, मोहमद इमरान अनसारी, सुवास आचार्य, मुकुन्द कार्की, नविन पोखरेल, कृष्ण माझी, रमेश मेहता, राजेश सिंह, रंजित चौधरी, राजन गिरी, रामकाजी कार्की, अर्जुन राजवंशी, केदार श्रेष्ठ, आनन्द रौनियार, अभिषेक दास, नगेन्द्र खड्का, लक्ष्मी श्रेष्ठ र दिपक कार्कीले संयुक्त रुपमा सहयोग गरेका हुन् ।
