रामधुनी खबर संवाददाता
झुम्का,कार्तिक १२ । छठ पूजा सम्पन्न भएसंगै झुम्का छठ घाटमा २४ घण्टा भित्रै सरसफाई गरी व्यवस्थापन गरेको छ । श्री छठ माता सेवा समिति रामधुनीले आयोजना गरेको छठ पूजाको छठ घाटमा सरसफाई गरेको हो ।
छठ पूजाको अवसरमा लाग्ने छठ मेलाले गर्दा बजार क्षेत्रमा फोहोर हुने गरेकोले चाडै सरसफाई गरेको छ ।
झुम्का बजारमा गरिएको छठ पूजा प्रत्येक बर्ष बृहत श्रदालु भक्तजनहरुको उपस्थिती रहने गर्दछ । साथै भक्ति संगीत ग्रहणका लागि दर्शकको घुइचो लाग्ने गर्दछ । यस भिडभाडबाट हुने फोहोरलाई व्यवस्थापन गर्न समितिले समयमै सरसफाई गरेका छन् ।
बजार क्षेत्रलाई सरसफाई राख्नका लागि छठ पूजा सम्पन्न भएसंगै २४ घण्टा भित्रै सरसफाई गरिएको समिति अध्यक्ष मिलन रौनियारले जानकारी दिएका छन् ।
सरसफाईका लागि श्री छठ माता सेवा समिति रामधुनी, रामधुनी नगरपालिका, प्रस्तावित इलाका प्रहरी कार्यालय रामधुनी र स्थानीयहरुको सहयोगमा सुरसफाई सम्पन्न गरेको अध्यक्ष रौनियारले जानकारी दिए ।
सोमवार र मंगलवार छठ पर्वको मुख्य दिन अस्ताउँदो र उदाउँदो सुर्यलाई अर्घ्य अर्पणगरी २०८२ को छठ पर्व समापन गरेको हो ।