रामधुनी खबर संवाददाता
झुम्का, कार्तिक २८ । भादगाउँ सिनुवारी बहुमुखी क्याम्पस झुम्का सुनसरीको नव निर्मित भवन सुक्रवार समुद्घाटन भएको छ । विश्व विद्यालय अनुदान आयोगका अध्यक्ष प्राध्यापक डाक्टर देवराज अधिकारीको प्रमुख आतिथ्यता र नगर प्रमुख शंकरलाल चौधरीको बिशिष्ट आतिथ्यतामा भवन समुद्घाटन भएको हो ।
रामधुनी वडा नं. ३ स्थित रहेको भादगाउँ सिनुवारी बहुमुखी क्याम्पसको भवन समुद्घाटन संगै आफ्नै भवनबाट अध्ययन अध्यापन गर्ने भएको छ । २०६७ साल भदौ १४ गते बिबिएस व्यवस्थापक संकाय तर्फ स्नातकको कक्षा संचालन गर्ने अनुमति प्राप्त गरेको र फागुन १० गते बिएड शिक्षा संकाय स्नातक तह तर्फको अनुमति प्राप्तगरी दुई संकायमा कक्षा संचालन हुँदै आएको छ । शैक्षिक सत्र २०८१÷०८२ मा बिबिएस र बिएड तर्फ बिद्यार्थी ३ सय ४ जना भर्ना भएको तथ्याङ्गमा रहेको छ ।
भौतिक पूर्वाधार निर्माणका लागि विश्व विद्यालय अनुदान आयोगबाट रु २ करोड उपलब्ध गराएको छ भने रामधुनी नगरपालिकाबाट रु १ करोड ९३ लाख सहयोगदान उपलब्ध गराएको छ । यस आर्थिक बर्ष २०८२÷०८३ मा रामधुनी नगरपालिकाले क्याम्पस बसका लागि रु ३५ लाख समेत उपलब्ध गराउने भएको छ ।
क्याम्पसको भौतिक पूर्वाधारका लागि जग्गा १० कठा १० धुर रहेको छ । सो जग्गा भिम प्रसाद लुइटेल र पुरुषोतम काफ्ले संयुक्त रुपमा १० कठा १० धुर जग्गा दान उपलब्ध गराएको छ । क्याम्पसको कोठा १७ वटा रहेको छ ।
क्याम्पसको मुलगेट निर्माणका लागि संचालक समितिका अध्यक्ष फौदसिंक थापाले स्वर्गिय देवि थापाको स्मृतिमा रु २ लाख ५० हजार उपलब्ध गराएको छ ।
यसैगरी रामधुनी वडा नं. १ का डिल्ली गुरागाईले रु ४० हजार बराबरको पंखा सहयोग उपलब्ध गराएका छन् । भवनका लागि हरिवंस साहले रु ३० हजार सहयोग उपलब्ध गराएको छ ।
समुद्धघाटन कार्यक्रममा नगर प्रमुख शंकरलाल चौधरीले क्याम्पसको भवन समुद्धघाटनले उच्च शिक्षका लागि पूर्वाधार बनाउन सकेको र यो रामधुनी नगरको पहिचान गराउँने सम्पत्ति जोड्न सफल भएको भन्दै यसै आर्थिक बर्षमा बसका लागि रु ३५ लाख विनियोजन गरेकोमा बसका लागि अपुग रकम देखिएकोले यसलाई थप रु १५ लाख गरी रु ५० लाख बस खरिदका लागि उपलब्ध गराउने प्रतिबद्धता गर्नु भएको छ ।
विश्व विद्यालय अनुदान आयोगका अध्यक्ष प्राध्यापक डाक्टर देवराज अधिकारीले क्याम्पसका लागि भवन निर्माणमा सफलता प्राप्त गरेकामा धन्यावाद व्यक्त गर्नु भयो ।उहाँले क्याम्पसको चसो र चिन्ताको बिषय विद्यार्थिको संख्या र गुणस्तरीय शिक्षाका लागि गम्भिर हुनु पर्ने जानकारी दिनु भयो । थप विषयका कार्यक्रम समेत संचालन गर्नु पर्ने सुझाव दिनु भएको छ । उहाँले विद्यार्थीहरु बिदेशिने गरेको भन्दै यसलाई रोक्न सरकारको ठोस नीति आवश्यक रहेको बताउनु भयो । अनुदान आयोगका अध्यक्ष प्राध्यापक डाक्टर अधिकारीले थप चिन्ताको कुरा गर्नु हुँदै हामि अनुदान उपलब्ध गरायौँ तर विद्यार्थी संख्यामा कमजोर छन् भने यो दुरुपयोग हुन सक्ने भन्दै सुझाव दिनु भएको छ ।
विद्यार्थीको नराम्रो ट्रेन ड्रपआउट हुने गरेको बताउनु भयो । प्रथम बर्षमा भर्ना हुने तर अन्तिम बर्ष सम्म पुग्दा बिद्यार्थी घटेर ड्रपआउट हुने गरेकोले यसलाई चिन्ता मनन गरी विद्यार्थीलाई आकर्षित गर्न सक्नु पर्ने अनुदान आयोगका अध्यक्ष प्राध्यापक डाक्टर अधिकारीले बताउनु भयो ।
कार्यक्रममा रामधुनी नगरपालिकाका पूर्व नगर प्रमुख जय प्रकास चौधरीले क्याम्पसलाई स्थापना गर्ने सहयोगीहरुलाई सम्झिनु हुँदै धन्यावाद दिनु भयो । उहाँले क्याम्पसको हरेक गतिविधिहरुलाई अग्रगामी रुपले अगाडि बढाउन र अभिभावकहरुले अपनत्व लिदै सहयोगको अपेक्ष गर्नु भयो ।
क्याम्पस संचालक समितिका अध्यक्ष फौदसिंक थापको सभाध्यक्षतामा आयोजित कार्यक्रममा जग्गा दाता लुइटेल र काफ्लेलाई सम्मान गरेको छ । समुद्घाटन कार्यक्रममा क्याम्पसको प्रगति विवरण क्याम्पस प्रमुख श्यामकुमार चौधरीले राख्नु भएको थियो ।
कार्यक्रममा विद्यार्थीहरुले विभिन्न साँस्कृतिक झल्किने खालका स्वदेश गानमा नृत्य र थारु मौलिक धुम्रानाच प्रस्तुत गरीएको थियो । कार्यक्रममा उपस्थित सम्पूर्णलाई संचालक समितिका उपाध्यक्ष नारायण काफ्लेले स्वागत मन्तब्यले सम्मान गर्नु भएको थियो ।
