झुम्का, छठ पर्व सार्वजानिक स्थलमा भिडभाडले मनाउन निशेधाज्ञा जारी गरे संगै यस बर्ष छुटा छुट्टै तवरले आ–आफनै घर अगाडी मनाएका छन् । घाट हुनेले घाट नभए सानो पोखरी बनाइ भक्तालुहरु छठ पर्वलाई निरन्तरता दिएका छन् । कोरोना महामारीका कारण संस्कार संस्कृति जोगाउन समस्या माथि चुनौति रहेको अवस्थामा सानो भए पनि पोखरीको रुप दिदै छठ माताको अस्ताउदो सुर्यलाई अर्घ अर्पण गरेका छन् । पर्व नियम निष्ठा एवम् पवित्रता साथ मनाउने पर्वको रूपमा रहेको छ । यो पर्व खासगरी राखिएका भाकल पूरा भएपछि मात्र गर्ने गरिन्छ । एकपल्ट सुरु गरेपछि प्रत्येक वर्ष गर्ने गरिन्छ । यसैकालागी यस बर्षको छठ पर्व निरन्तरता दिएको हो ।छठ पर्वकै निरन्तरताकालागी इटहरी उपमहानगरपालिका वडा नं. ८ का स्थानियहरु ऐतिहासिक रुपमा रहेको जितिया घाटमा छठमाताको अघ्र्य अर्पण गरेका छन् । मिश्रित समुदायका भक्तालुहरु त्याहा ६ वटा छठ घाट बनाई अस्ताउदो सुर्यलाई अघ्र्य अर्पण गरेका हुन् । धार्मिक आस्थाले स्थापित जितिया घाटमा छठ पर्व मनाउदा यस बर्षको छठ झनै पबित्र भएको सिता देवी रामले बताइन् । अस्ताउदो सुर्यलाई अघ्र्य अर्पण गरेकी सिता देवीले जितिया घाट धार्मिक पवित्र घाट भएकाले यहा छठ मनाउनु शुभसाइत रहेको धारणा ब्यक्त गरिन् । शनिवार बिहान उदाउदो सुर्यलाई अघ्र्य दिदै भाकल अनुसार परिवारमा सुख शान्तिको कामना गर्दै पर्व समापन गर्ने जानकारी दिइन् ।सन्तान प्राप्ति, दीर्घायु, आरोग्य र मनोकामना पूर्ण गर्न यो पर्व मनाउने गरिएको उपवास लिएकी साबित्रा यादवले बताइन् । यस पर्वमा षष्ठी माता र सूर्यको पूजा गरिन्छ । यी दुइटै देवीदेउतालाई प्रसन्न पार्न कात्तिक शुक्ल षष्ठी उत्तम तिथि भएकाले नै यो पर्व सोही तिथिमा मनाउने गरिएको जानकारी दिइन् । यस पर्वमा सूर्यलाई प्रसादका रुपमा ठेकुवा, भुसुवा, केरा, मिठाइ, उखु, नरिवल, पान, सुपारीलगायत प्रसादका सामग्री नयाँ माटोका भाँडो र बाँसको टोकरीमा राखेर अर्पण गछौँ । बिशेष परिवारको कल्याण र सन्तान प्राप्तिका साथै भाकल पूरा भएपछि पर्व शुरु गरेको उपवास बसेकी यादवले बताएकी हुन् ।जितिया घाट र त्याहा रहेको बिच्छुधामी डिहवारथान ग्रामथान संरक्षण समितिले संरक्षण गर्दै आएका छन् । संरक्षण समितिकी सचिव साबित्रा चौधरीले यस घाटमा आगामी बर्षहरुमा पनि छठ पर्व मनाउने जानकारी दिइन् । धेरै पहिले देखिनै थारु समुदाय बसोवास रहेको सो टेंग्राटोलमा थारु समुदायका महिलाहरु जितिया पर्वमा बिधिवत पुजाँ अर्चना गर्दै आएका छन् । टोलका जितिया घाट नामेट पार्न भने भुमाफिया देखी लिएर राज्यबाट समेत चलखेल भएको थियो । भुमाफियाले प्रहरी लगाएर डिहवारथान भत्काएको थियो भने जितिया घाट पुर्ने सम्म भै सकेको थियो । तथापी पनि महिलाहरु एक गोलबद्ध हुदै मुद्धा सम्म लागेकामा संघर्ष गर्दै संरक्षण गर्न सफल भएको हो । संरक्षणमा आर्थिक रुपले इटहरी उपमहानगरपालिकाले सहयोग गरेका छन् ।