सुनिल चौधरी
झुम्का, माघ १९ । चिसोले बढी प्रभाव बिद्यार्थी बालबालिकाहरुमा पर्छन । चिसो र सितलहरको समय बिहान र बेलुका बढ्ने भएकोले सोही समयमा आउ जाउ हुने गर्दा बिद्यार्थी बालबालिकामा जोखिम हुन्छन । बिशेष बिपन्न परिवारका बिद्यार्थीहरुमा न्यानो कपडाको अभावले चिसो लाग्ने अत्याधिक सम्भावना भएकोले रामधुनी वडा नं. ३ ले बिपद ब्यवस्थापन अन्तर्ग न्यानो कपडा बितरण गरेको छ । वडा स्थित सामुदायिक बिद्यालयहरुको बिद्यार्थी बालबालिका लगायत टोलका बिपन्न परिकारका बालबालिकाहरुलाई स्वेटर बितरण गर्दै बिद्यालय निरन्तर पठाउन अभिभावकलाई सचेत गरेको हो ।
वडा कार्यालयका जनप्रतिनिधि तथा कर्मचारीहरु बितरणमा सहभागी हुदै वडाबाट ८० थान स्वेटर बितरण गरेको छ । सोमवार पिप्राहा स्थित श्री पंचाययत मा.बि.मा २२ जना बिद्यार्थी बालबालिकालाई स्वेटर बितरण गरेको हो । यसैगरी जनजागृती आधारभुत बिद्यालय पिप्राही, जनता मा.बी.सिंगिया र इट्टा भट्टामा अभिभावक रहेकोले इट्टा भट्टामै गएर बालबालिकाहरुलाई न्यानो कपडा उपलब्ध गराएको छ । चिसोबाट बालबालिकामा हुन सक्ने सम्भावित जोखिमलाई हेर्दै बिपन्न बिध्यार्थीहरुलाई छनौटगरी स्वेटर बितरण गरेको वडाअध्यक्ष राजकुमार चौधरीले बताए । बिद्यार्थी बालबालिकालाई स्वेटर बितरणले बिद्यालय सम्म आउने वातावरण सहजहुने वडा अध्यक्ष चौधरीले बताए । वडा स्थित पिप्राही टोलको बिपन्न परिवारका बालबालिकाहरुलाई स्वेटर बितरण गर्यौ, यहाका अभिभावकलाई बिद्यालय पठाउन सचेतना पनि गरेको वडासदस्य टिका लक्ष्मी श्रेष्ठले रामधुनी खबर साप्ताहिक पत्रिकालाई जानकारी दिएकी हुन् ।
स्वेटर बितरणले बालबालिकाहरु चिसोमा पनि बिद्यालय आउन निरन्तरता रहिरहने र यसबाट उनीहरुमा अध्ययकालागी प्रोत्साहन पनि बढ्ने भएकोले वडाको कार्ययोजना उपलब्धि मुलक रहेको पंचायत माबिका बिध्यालय ब्यवस्थापन समितिका अध्यक्ष देवनारायण चौधरीले बताए । चिसोकै कारण बिद्यालय छाड्ने बिशेष बालबालिकाहरुनै हुन् यसकालागी वडाकार्यालयले ल्याएको बालबालिका लक्षित कार्यक्रम शिक्षा मैत्रि रहेको सोही बिद्यालयकी शिक्षिका अन्जली चौधरीले बताईन् । बालबालिका लक्षित स्वेटर बितरण कार्यक्रमले बालबालिका मैत्रि वडा स्थानिय शासनमा सहयोग पुगेको शिक्षक राजेन्द्र न्यौपानेले बताए । वडाबाट बाल मैत्रि स्थानिय शासनको सुचकमा बाल बिकास, बाल बचाउ, बाल संरक्षण, बाल सहभागीता, संस्थागत बिकासमा योजनाहरुको प्राथमिक्तामा राखेर समेत कार्यहरु गर्दै आएको छ ।
स्वेटर बितरणमा वडा सदस्य नारायण श्रेष्ठ, कर्मचारी वडा सचिव तिर्थराज धमला, स्वस्थ्य चौकी प्रमुख रामरोहीत ठाकुर, बालबालिका सम्पर्क ब्यक्ति हिमानी पौडेल, शुरेस मरिक सहभागी रहेका थिए ।