राख संवाददाता
झुम्का,असार १ । चर्चित गायिका तथा मोडल अन्जु कुस्मीले प्रथम रामधुनी महोत्सवमा आफनो चर्चित गीतहरुको प्रस्तुती राख्ने भएको छ । थारु, भोजपुरी भाषाको गीत निर्माता तथा गायिका अन्जुु कुस्मीले आज सुक्रवार महोत्सवमा दमदार प्रस्तुती राख्ने आयोजक रामधुनी युवा क्लवले जनाएको हो ।
महोत्सव तथा कार्यक्रमहरुमा दमदार प्रस्तुती राख्न माहिर गायिका कुुस्मीले प्रथम रामधुनी महोत्सव धमाकेदार बनाउँने छिन् । पछिल्लो समयमा थारु र भोजपुरी भाषा समायोजनगरी दर्शक माझ ल्याएको गीत ‘पतलि कमरिया मोरे हाय हाय……….’,बाट चर्चा पाउँदै गायिका कुस्मीको महोत्सव स्टेजमा के्रज बढेको छ ।
गायिका कुस्मीकोे चर्चित गीत ‘पतलि कमरिया मोरे हाय हाय……….’, जालीदार मोर चोलीया…………,फुुलकुमारी जवानी……….., लगायतका थारु साँस्कृतिक झल्किने गीतहरु पनि चर्चामा छन् । गीतहरुमा आफै पनि मोडलको रुपमा प्रस्तु भएर गायिका कुस्मीले म्युजिक भिडियोलाई जबरदस्त चर्चामा ल्याउँने गरेको छ ।
गीत संगीत त, छदैछन्, आफ्नो हाउभाउ मोडलले पनि प्रथम रामधुनी महोत्सवमा दर्शक माझ जबरदस्त रौनक बढाउँने आयोजक युवा क्लवले जनाएको छ ।
महोत्सव रामधुनी नगरपालिका १ नं. वडा कार्यालयको छेउ बुधवार र शनिवार लाग्ने साप्ताहिक हटिया नजिकै रहेको छ भने सहयोगीमा रामधुनी नगरपालिका र व्यवस्थापनमा गौतम बुद्ध अमुजमेन्टको रहेको छ ।
महोत्सव जेष्ठ १९ गते देखि असार ५ गते सम्म रहने आयोजक रामधुनी युवा क्लवले जानकारी दिएको छ । महोत्सवमा चर्चित राष्ट्रिय कलाकार तथा स्थानीय कलाकार तथा गायकहरुको प्रस्तुती राख्दै आएको छ ।