राख संवाददाता
झुम्का,आसार ४ । प्रथम रामधुनी महोत्सवमा चर्चित आधुुनिक राष्ट्रिय गायक प्रमोद खरेल आउँने भएको छ । गायक खरेल आज सोमवार महोत्सवमा सांगीतिक प्रस्तुती दिने आयोजक रामधुनी युवा क्लवले जानकारी दिएको हो । गायक प्रमोद खरेलको सांगीतिक प्रस्तुतीले महोत्सव थप रोचक हुने भएको छ ।
महोत्सवको मञ्चमा उनले आफ्ना निकै चर्चित आधा दर्जन बढी गीत गाएर दर्शकलाई झुमाउने छन् । मुख्य गरी उनी दर्शकलाई उफार्न माहिर कलाकार मानिन्छन् । रामधुनी झुम्कामा उनको क्रेज बढेकाले सोमबारको आकर्षणमा प्रमोदलाई राखिएको जनाइएको छ ।
गायक खरेलको गीतहरु ‘माया लाउँनेहरु…….’, ‘उस्ले जति माया तिमिलाई…….’, ‘यो भाग्य खोट छ……….’, ‘उस्ले जति माया……….’,‘अन्त माया लाएको भए…………’, ‘मलाई जस्लेपनि किन रुवाउँ छ…………’, लगायतका गीतहरु सर्वाधिक चर्चामा छन् । प्रमोद संगै अन्य कलाकारको पनि विशेष प्रस्तुति रहने महोत्सव संयोजक बिनोद चौधरीले बताएका छन् ।
महोत्सव रामधुनी नगरपालिका १ नं. वडा कार्यालयको छेउ बुधवार र शनिवार लाग्ने साप्ताहिक हटिया नजिकै रहेको छ भने सहयोगीमा रामधुनी नगरपालिका र व्यवस्थापनमा गौतम बुद्ध अमुजमेन्टको रहेको छ ।
महोत्सव जेष्ठ १९ गते देखि असार ५ गते सम्म रहने आयोजक रामधुनी युवा क्लवले जानकारी दिएको छ । महोत्सवमा चर्चित राष्ट्रिय कलाकार तथा स्थानीय कलाकार तथा गायकहरुको प्रस्तुती राख्दै आएको छ ।