रामधुनी खबर संवाददाता
झुम्का,पौष १४ । थारु कल्याणकारिणी सभा (था.क.स.) सुनसरीको नव निर्वाचित पदाधिकारीलाई शनिवार पदस्थापन गरेको छ । निर्वाचन अधिकृत जयराम पंजियारले नव निर्वाचित पदाधिकारीहरुलाई प्रमाणपत्र वितरण गर्दै पदस्थापन गरेको हो ।
सर्वसहमति तथा निर्विरोधले चयन भएको समितिको जिल्ला सभापति सगेन चौधरी लगायतका पदाधिकारीहरुलाई प्रमाणपत्र वितरण तथा पदस्थापन गरिएको छ भने केन्द्रिय पार्षदहरुलाई प्रमाण पत्र वितरण गरिएको छ । यस भन्दा पहिले निर्वाचित पदाधिकारीलाई सपथ ग्रहण गराई सकेको निर्वाचन अधिकृत पंजियारले जानकारी दिए ।
पदस्थापनको अवसरमा था.क.स.केन्द्रिय पूर्व अध्यक्ष नरेन्द्र कुमार चौधरी, प्रतिनिधि सभा सदस्य भगवती चौधरी, प्रतिनिधि सभा सदस्य अशोक चौधरी, प्रदेस सभा सदस्य रोहित बहादुर कार्की, सुनिता गच्छदार, रामधुनी नगर प्रमुख संकरलाल चौधरी, दुहबी नगर प्रमुख बेद गच्छदार, इटहरी उपमहानगर उपप्रमुख संगीता चौधरी, गढी गाउँपालिका अध्यक्ष आशनारायण चौधरी, रामधुनी नगर उपप्रमुख तारा थापाले प्रमाणपत्र वितरण गर्दै कार्यकालको शुभकामना ब्यक्त गर्नुभयो ।
नव निर्वाचित सभापति सगेन चौधरीले निर्वाचन अधिकृत लगायतका सदस्यहरुलाई धन्यवाद ब्यक्त गर्नुभयो । यसैगरी सर्वसहमतिले समिति गठनको भूमिका निर्वाह गर्नुहुने सम्पूर्णमा धन्यवाद ब्यक्त गर्नुभयो । थारु समुदायको हकअधिकार, पहिचान, कला संस्कृति संरक्षणमा सदैव थारु कल्याणकारिणी सभा सुनसरी अग्रसर रहने सभापति चौधरीले प्रतिबद्धता गर्नुभयो ।
था.क.स.को नव निर्वाचित सभापति सगेन चौधरी, उपसभापति जानकी चौधरी, श्रवण चौधरी र कौशिला चौधरी, सचिवमा श्याम चौधरी, सह सचिवमा रमेश कुमार चौधरी, कोषाध्यक्षमा उमेश कुमार चौधरी सर्वसहमतिले चयन भएका छन् । सदस्यहरुमा रविन्द्र कुमार चौधरी, गीतनारायण चौधरी, शुरेन्द्र कुमार गच्छदार, सुनिल कुमार चौधरी, जिवन चौधरी, ममता चौधरी, सत्यनारायण चौधरी, जयनारायण चौधरी, योग नारायण चौधरी, लघुराम माझी, शशिकुमार चौधरी, कोशीलाल राजधामी, दिपक कुमार चौधरी, मनोज कुमार गच्छदार, लक्ष्मी चौधरी चयन भएका छन् ।
केन्द्रिय पार्षदमा दयानन्द चौधरी, बिरनारायण चौधरी, बसन्त चौधरी, बिजय चौधरी, पूजा कुमारी धामी, केशीलाल चौधरी, रामपरी चौधरी, रमेश कुमार चौधरी, शुसिला कुमारी चौधरी, गवन सिंह चौधरी, लतुराम चौधरी, शुभनारायण चौधरी, मोहिनारायण चौधरी, रुपेश कुमार चौधरी, सुरेन्द्र कुमार चौधरी चयन भएको निर्वाचन अधिकृत पंजियारले जानकारी दिए ।
