रामधुनी खबर संवाददाता
झुम्का, पौष १५ । लायन्स र लियो क्लव अफ झुम्का, रामधुनी सिटी र बराहक्षेत्र कलाबन्जरलाई अधिकार पत्र तथा नव पदाधिकारीलाई आइतवार पदस्थापन गरेको छ । डिस्ट्रीक गोभनर बिजयहरी शर्मा दाहालले गठन भएको समितिलाई अधिकार पत्र प्रदान तथा नव पदाधिकारीलाई पदस्थापन लगायत नयाँ सदस्यहरुलाई समावेस भएको घोषणा गर्नु भयो ।
अन्तराष्ट्रिय रुपमा रहेको क्लव अन्तर्गत डिस्ट्रीक ३२५ सी, एमडी ३२५ नेपाल अन्तर्गत गठन भएको क्लवलाई आधिकार प्रदानगरी सदस्यहरुलाई अन्तराष्ट्रिय पिन, डिस्ट्रीक पिन र अध्यक्षहरुलाई गोन र जिम्मेवार प्रदान गरिएको छ । डिस्ट्रीक गोभनर दाहाल र उहाँको फस्ट लेडी अनुष्का शर्माले अधिकार वितरण गरेको थियो ।
सो अवसरमा मानविय सेवामा शसक्त भएर लाग्न तथा गतिविधि गर्न डिस्ट्रीक गोभनर दाहालले सपथग्रहण गराउनुभयो । अन्तराष्ट्रि रुपले बिस्तारित लायन्स र लियो क्लवमा १४ लाख सदस्य रहेको जानकारी दिनु भयो । क्लवमा थप सदस्य प्रदानका लागि अगाडी बढीरहेको र सेवामा सहयोगका लागि लायन्स क्लवहरुलाई अन्राष्ट्रि रुपले सहयोगका बजेटहरु उपलब्ध गराउने समेत डिस्ट्रीक गोभनर दाहालले जानकारी दिनुभयो ।
कार्यक्रममाबाट लायन्स क्लव अफ झुम्काका अध्यक्ष दुर्गा फुयाल, लायन्स क्लव अफ बराक्षेत्र कलाबन्जरका अध्यक्ष अधिकलाल चौधरी, लायन्स क्लव अफ रामधुनी सिटीका अध्यक्ष खेमराज पौडेल, लियो क्लव अफ बराक्षेत्र कलाबन्जरका अध्यक्ष रुपा कार्की र लियो क्लव अफ रामधुनी सिटीका अध्यक्ष असिम कार्की लगायतका पदाधिकारीहरुलाई अधिकार प्रदान सहित पदस्थापनगरी जिम्मेवार प्रदान गरिएको छ ।
जिम्मेवार प्रदान पश्चात नव निर्वाचित क्लवका अध्यक्षहरुले काम कर्तब्यका लागि प्रतिबद्धता सहित स्विकारोक्ती मन्तब्य राखेका थिए । मानविय सेवामा अहोरात्र जिम्मेवार निर्वाह गर्ने अध्यक्षहरुले प्रतिबद्धता गरेका छन् । गठित क्लवहरुले समय–समयमा रक्तदान, जाडो मौसममा बिपन्न परिवारलाई न्यानो कपडा वितरण, बिपतमा परेकालाई उद्धार तथा खाद्यान्न सहयोग लगायतका सेवाहरुका कार्यक्रम गर्दै आएका छन् ।
