रामधुनी खबर संवाददाता
झुम्का, असोज ३१ । प्रथम न्यू रामधुनी च्यालेन्ज कप फुटबल प्रतियोगितामा आयोजक टिम न्यू रामधुनी फुटबल क्लव रामधुनी ४ इक्राही १–० गोलले विजयी भएका छन् । विहिवार भएको खेलमा प्रकाशपुर फुटबल क्लवलाई १ गोलगरी विजय भएका हुन् ।
रामधुनी वडा नं. ४ इक्राही माझी टोल स्थित जारी प्रथम न्यू रामधुनी च्यालेन्ज कप फुटबल प्रतियोगितामा आयोजक टिमको तर्फबाट क्षितिज धामीले गोल गरेका थिए । धामीले रचनात्मक रुपले गरेको गोल नै खेलको अन्तिम निर्णय बन्न पुग्यो ।
गोल कर्ता धामी खेलको म्यान अफ दी म्याच हुँदै ट्रफी र नगद राशी रु पन्ध्रसय सहित सम्मान गरेको छ । सो सम्मान रामधुनी ४ नं. वडाका वडा सदस्य खेलनाथ पौडेलले वितरण गर्नु भयो ।
फुटबल प्रतियोगिताको पहिलो हाफमा प्रतिस्पर्धात्मक खेल भएको थियो । दुवै टिमले गोलका लागि प्रयासरत बन्यो । पहिलो हाफको खेलमा कुनै गोल हुन नसक्दा दुवै टिमबाट शुन्य शुन्य गोल रह्यो ।
प्रतियोगिताको दोस्रो हाफमा आयोजक टिमले खेल आफनो पक्षमा राखेका थिए । गोलका लागि धेरै अवसर पाएपनि अवसरको सदुपयोग गर्न नसक्दा १ गोल मात्र गर्न सके । उता प्रकाशपुर क्लवले पनि गोलका लागि अवसर पाएपनि आयोजक टिमका गोलकिपरले सबै प्रहार निस्तेज पारेका थिए ।
आयोजक टिको जित संगै सेमी फाइनल खार खोला फुटबल क्वल चतरा संग भिडन्त हुने छ । खार खोला फुटबल क्वल चतराले सुन्दर दुलारी फुटबल क्लव मोरंगलाई पराजितगरी सेमी फाइनल पक्का गरेका थिए ।
न्यू रामधुनी फुटबल क्लव रामधुनी ४ को आयोजनामा जारी फुटबल प्रतियोगिता इक्राही माझि टोल स्थित खेलमैदानमा भै रहेको छ ।
प्रतियोगिताको चौथो दिन असोज ३१ गते सुक्रवार इन्द्रेणी फुटबल क्लव कालाबन्जर भर्सेज सान नेपाल प्रा.ली. इटहरी बिच खेल हुने खेल दिउँशो ३ः०० बजे देखि सुरुहुने आयोजक समितिले जनाकारी दिएको छ ।
प्रतियोगितामा प्रथमहुने टिमलाई शिल्ड, मेडल, प्रमाण–पत्र सहित रु ५१ हजार प्रदान गरिने छ भने दोस्रो हुनेलाई शिल्ड, मेडल, प्रमाण–पत्र सहित रु ३१ हजार प्रदान गरिने आयोजक समितिले जनाएको छ । साथै उत्कृष्ट हुने खेलाडिलाई विभिन्न विधामा सम्मान गर्ने आयोजक संस्थाका अध्यक्ष गंगाराम माझीले बताउनु भयोञ ।
प्रतियोगिताको सेमी फाइनल खेल समुह ए, तर्फको कार्तिक १ गते र समुह बि, तर्फको कार्तिक २ गते हुने छन् भने फाइनल खेल कार्तिक ३ गते सोमवार हुने आयोजक न्यू रामधुनी फुटबल क्लवका सचिव नवराज खड्काले जानकारी दिनुभयो ।
