रामधुनी खबर संवाददाता
सुनसरी, असोज ११ । आसन्न नेपाली कांग्रेसको १५औँ महाधिवेशन अन्तर्गत सुनसरी क्षेत्र नं. २ बाट थारु कोटातर्फ महाधिवेशन प्रतिनिधि पदका लागि नवोदिता चौधरीले उम्मेदवारी घोषणा गर्नु भएको छ । महिला नेतृ चौधरीले लोकतान्त्रिक मूल्य, समावेशिता, सामाजिक न्याय तथा महिला नेतृत्व र प्रतिनिधित्वलाई सुदृढ बनाउने उद्देश्य सहित आफ्नो उम्मेदवारी घोषणा गर्नु भएको हो ।
उमेदवार चौधरी पार्टीका सांगठनिक गतिविधि, कार्यकर्ता परिचालन तथा समन्वयमा चौधरीले सक्रियता देखाउँदै आउनु भएको छ । यसैगरी प्रदेश सभा सदस्यको सफल प्रतिनिधित्व गर्दै सामाजिक उत्थान र महिला नेतृत्वको योजना र बजेटले अग्रसर रहनु भयो । शिक्षा योग्यतामा अब्बल चौधरी जेनजीको मर्म र भावनाको समेत सम्मान उमेदवारीको रुपमा रहनु भएको छ ।
उमेदवारीको घोषणा संगै उहाँले सम्पूर्णमा आत्मसम्मान सहित क्षेत्रीय प्रतिनिधिहरूलाई सम्बोधन गर्नु भएको छ । आफ्नो उम्मेदवारीलाई साथ, सहयोग र समर्थन गर्न अनुरोध गर्दै चौधरीले क्षेत्रीय प्रतिनिधिहरूको अमूल्य मतबाट आफूलाई विजयी गराउन समेत अपिल गर्नु भएको छ ।
उहाँले “राष्ट्रियता ! लोकतन्त्र !! समाजवाद !!! को अग्रसर नेपाली कांग्रेसको १५औँ महाधिवेशन अन्तर्गत हुन गइरहेको निर्वाचनमा सुनसरी क्षेत्र नं. २ बाट थारु कोटातर्फ महाधिवेशन प्रतिनिधि पदकी उम्मेदवार म नवोदिता चौधरी सम्पूर्ण क्षेत्रीय प्रतिनिधि ज्यूहरूमा साथ, सहयोग र समर्थनका लागि विनम्र अनुरोध गर्दछु । ”,उहाँले “लोकतान्त्रिक मूल्य, समावेशिता, सामाजिक न्याय र महिला नेतृत्व तथा प्रतिनिधित्वलाई सुदृढ बनाउने उद्देश्यका साथ उम्मेदवारी प्रस्तुत गरेकी छु । यहाँहरूको अमूल्य मत प्रदान गरी विजयी गराइदिनुहुन हार्दिक अपिल गर्दछु ।” जय नेपाल ! भन्दै आफनो धारणा ब्यक्त गर्नु भएको छ ।”
नेपाली कांग्रेसले १५औँ महाधिवेशनअन्तर्गत विभिन्न तहका अधिवेशन तथा निर्वाचनको कार्यतालिका सार्वजनिक गरिसकेको छ । केन्द्रीय निर्वाचन समितिको कार्यतालिका अनुसार प्रतिनिधिसभा क्षेत्रीय अधिवेशन तथा महाधिवेशन प्रतिनिधि चयन असोज ३ गतेका लागि तोकिएको थियो भने केन्द्रीय महाधिवेशन असोज १६ देखि १९ गतेसम्म हुने तय गरिएको छ । चौधरीले आफ्नो उम्मेदवारीलाई महिला नेतृत्व, समावेशी प्रतिनिधित्व र सामाजिक न्यायका सवालसँग जोड्दै क्षेत्रीय प्रतिनिधिहरूसँग समर्थनका लागि आग्रह गर्नु भएको छ ।
पुनः निर्वाचन अपिल “नेपाली कांग्रेस महाधिवेशन प्रतिनिधि उम्मेदवार : नवोदिता चौधरी – थारु कोटा, सुनसरी क्षेत्र नं.२ ”अमुल्य मत दिई विजय गराऔँ !
