चन्द्रकला चौधरी
झुम्का, असोज २ । “जितियाके पावैन ऐलै सखी, जितिया बराभारी”……“लैहर जाइले आस देखैची, रोटी बन्याके मोटा बान्हैची, सब सखी बहैन्पा मिल्के करबै जितिया पावैन हो”……।
थारु भाषा र जितिया पर्वको मौलिक शब्दले सज्जित नयाँ रेकर्डिङ्ग र छायाँकन भएको “जितिया गीत” को लय हो यो । जितिया पर्वको नाम उच्चारण हुनासाथ सारा थारु चेलीबेटी महिला खुसिले हर्ष बिभोर हुदै आनन्द अनुभुति प्रकट गर्छन । सारा महिला नयाँ जोस जागर उत्साह र उमंग थपिन्छ । महान पर्वको उमंग र उत्साहलाई शब्दरुपी कला, लयले संगीतबद्ध रुपमा संरक्षण र प्रवद्र्धन गर्न आइतवार “जितिया गीत” सार्वजानिक गर्ने निर्दैशक बिशाल चौधरीले जानकारी दिए ।
मेगा डिजिटल रेकर्डिङ्ग स्टुडियो झुम्काको पोष्ट प्रोडक्सनमा गीतको मौलिक भाव, संगीत र छायाँकन मेहनतका साथ निर्माण गरेकोहुदा सो जितिया गीतले पर्वको नेतृत्व दिने बताएको छ । पर्वको मौलिक शब्दद्धारा बर्णन गरिएकोले जितिया ब्रत लिएका महिलाहरु यस गीतबाट हर्षित भइ रमाउने छन् । गीतले यस बर्ष र आउदा बर्षहरुको जितिया पर्वमा तराई महिलाहरुमा रौनक बढ्ने निर्दैशक चौधरीले रामधुनी खबर पत्रिकालाई बताए ।
मेगा डिजिटलले तराई महिलाहरुको महान पर्वलाई थारु भाषाबाट संगीत लय मार्फत संरक्षण गरेको थारु महिला उत्थान समाज सुनसरी अध्यक्ष सिता थरुनीले बताइन् । यस्ले थारु समुदायको भाषा, भेष, पहिचान र महिलाहरुको हक उठान समेत भएको भन्दै उत्थान समाजकी अध्यक्ष थरुनीले मेगा डिजिटललाई शुभकामना ब्यक्त गरिन् ।
जितिया गीत राज संघर्षको शब्द, गिता चौधरीको संगीत, अनु चौधरी र गीता चौधरीको आवाज, गणेश चौधरीको एरेन्ज, बिशाल चौधरीको निर्देशन, पेम्बा लामाको नृत्य, बिबेक सरदारको सह नृत्य, संजय चौधरी र लाली गुराश यूवा क्लब इनरुवा ७ अबादी मधेशाको सहयोगमा निर्माण भएको सो संस्कार र संस्कृती तथा पारम्पारिक जितिया गित सार्वजानिककालागी अन्तिम तयारीमा रहेको छ । गीतमा दिपिका चौधरी, मनिका चौधरी र गंगा चौधरीको अभिनय रहेको छ भने रबिन चौधरी र देव चौधरीको छायाँकन रहेको छ । आइतवार मेगा डिजिटल रेकर्डिङ्ग स्टुडियो यु–टुब च्यानलबाट रिलिज गर्ने मेगा डिजिटल रेकर्डिङ्ग स्टुडियो झुम्काले जनाएको छ ।
जितिया पर्व पुर्बि तराईका महिलाहरुको महत्वपुर्ण ऐतिहासिक चाड हो । यो चाडको औचित्य र महत्व आत्मसाथ गरी तराई मुलकका अन्य जातजातिले पनि बिषेश महत्वका साथ मनाउन थालेका छन । जितिया पर्र्व सुख,सान्ति र समृदिको पर्व हो तसर्थ यो पर्वको प्रभावकारिता झन झन बढदै गएको छ । तराई क्ष्ोत्रमा लोकप्रिय जितिया पर्ब प्रत्येक असोज कृषण पक्ष सप्तमी देखि नवमीसम्म मनाईन छ ।
जितिया शब्दको शाब्दिक अर्थ बिजय हासिल गर्नु हो । यो पर्वको दिन जितमहान भगवानले गरुडनामक सक्तिशालि पन्छि राक्षसलाई आफनो औलोकिक शक्तिका माध्यमबाट आफनो बसमा राख्न सफल भएका थिए भन्ने बिभिन्न धर्मशास्त्र तथा पुराणहरुमा उल्लेख पाईन्छ । यसै दिनको सम्झनामा जितिया पर्व मनाउन थालिएको हो ।