सुनिल चौधरी
झुम्का, भदौ ३० । रामधुनी नगर मंगलवार बालमैत्री स्थानीय शासन घोषणा भएको छ । १ नं. प्रदेश सामाजिक विकास मन्त्रि बलबहादुर साम्सोहाङले रामधुनी नगरलाई बालमैत्री स्थानीय शासन घोषणा गरेको हो ।
बालमैत्री स्थानीय शासन घोषणाको अवसरमा शुभकामना दिदै १ नं. प्रदेश सभा सदस्य नवोदिता चौधरीले बालमैत्री स्थानीय शासन निरन्तरताकालागी महिला अग्रसर हुनु पर्ने बताउनु भयो ।
“बालबालिकाको भबिष्य महिलाहरुको हातमा रहेकोले महिलाहरु अग्रसर हुनु पर्छ”, म, आफै महिला, बिशेष हामी महिलाले बालबालिकाको ब्यवहारको बारेमा जानकारी राख्ने हुदा बाल विवाह, बाल श्रम गर्न नलगाउने, गरेको देखे बिरोध गर्नुस, नगरमा रहेको योजनामा ध्यान र चासो दिए मात्रै बालमैत्री दिगोपन हुन्छ” भन्दै सांसद चौधरीले भन्नु भयो ।
“बालमैत्री नगर घोषणाले बालबालिकाको भबिषय निश्चित गर्ने अभ्यास भएको छ, सांसद चौधरीले भन्नु भयो, “उनीहरुको आधारभुत आवश्यक्ता पुरा गर्न रामधुनी नगरपालिकाको योजना स्वागत योग्य छ, बालमैत्री योजना र एजेण्डा प्रदेश सरकारको रहेकोले समन्वय र सहकार्यद्धारा रामधुनी नगरपालिकाका बालबालिकाको भबिषय समुन्नत, समृद्ध र सक्षम नागरिक बनाउन थप कार्य हुनु पर्छ,” भन्दै सुझाव उठान गर्नु भयो । सभा सदस्य चौधरी १ नं. प्रदेश सुनसरी क्षेत्र नं. २ (क) बाट प्रदेश सभा सदस्य हुन् ।