राख संवाददता
झुम्का, पुष १० । रामधुनी नगरपालिका वडा नं. ५ लगुना चोकमा संचालित गोल्डेन ब्रिज कलेजले सुक्रवार एक भब्य कार्यक्रमका साथ नवआगन्तुक बिद्यार्थीलाई स्वागत तथा अध्ययन पूरा गरेका बिद्यार्थीलाई बिदाई गरिएको छ । कक्षा १२ मा अध्ययन सकेका बिद्यार्थीलाई उच्च शिक्षा हासिलकालागि शुभकामना दिदै बिदाई गरिएको छ भने, कक्षा ११ मा अध्ययनकालागी आएका बिद्यार्थीहरुलाई स्वागत गरेको हो ।
कक्षा ११ र १२ मा शतप्रतिसत उत्कृष्ट नतिजा प्राप्त गरेको कलेजका अध्यक्ष घगेन्द्र श्रेष्ठले बताए । अध्ययन सकेका बिद्यार्थीहरुलाई उज्जवल भविषयको कामना गर्दै उच्च शिक्षामा प्रोत्साहनकालागि कार्यक्रमगरी बिदाई गरेको अध्यक्ष श्रेष्ठले जानकारी दिएको हो । शिप र नैतिक शिक्षाको उधेश्य लिएर संचालित यस कलेजले वर्तमान चाहना अनुसार अभिभाव र बिद्यार्थी अनुरुप लक्षित रहेको कार्यक्रमका प्रमुख अतिथी रामधुनी नगर उपप्रमुख सविना चौधरीले धारणा ब्यक्त गरिन् । कार्यक्रममा बोल्दै उपप्रमुख चौधरीले किशोर किशोरी अवस्थामै सचेत हुन सके जिवनमा आउन सक्ने चुनौतीको सामनागरी समाजमा एक सफल जिवन निर्वाह गर्न सक्ने उपप्रमुख चौधरीले बिद्यार्थीहरुलाइ सुझाव दिइन् ।
बिद्यार्थीहरुमा समाजका विभिन्न कुसंस्कारलाई हटाउन सक्ने क्षमता रहेकोले उच्च शिक्षा संगै थप जिम्मेवार बनेर अगाडि बढ्नु पर्ने बताइन् । बालविवाह यथास्थीतिमा बृद्धिहुदै गएको र यसमा फस्ने जुन सुकै बिद्यार्थीको जिवन बर्वाद बनाउने भएकोले आफु पनि बच्ने र अरुलाइ पनि बचाउन सक्नु पर्ने कर्तव्यमा पनि ध्यान दिन बिद्यार्थी र अभिभावकलाइ सचेत गरिन् । नयाँ प्रविधिको दुरुपयोगले अपराधका घटना घटिरहदा बिद्यार्थीहरुले सदुपयोगमा ध्यान दिनुपर्नेमा समेत उपप्रमुख चौधरीले सुझाव दिइन् ।
कार्यक्रममा बोल्दै शिक्षा शाखा रामधुनीका प्रमुख राजन गेलालले यस्ता कार्यक्रमले बिद्यार्थीलाई रचनात्मक बनाउने र आपसी सद्भाव समेत अभिबृद्धि गर्ने विश्वास व्यक्त गरे । त्यस अवसरमा कलेजका उपाध्यक्ष रमेश कार्कीले चैत्र सम्ममा थप सुबिधा सम्मपन्न भवनमा संचालन गर्ने जानकारी दिए । कार्यक्रममा रामधुनी प्यावसन अध्यक्ष अच्युत ढकाल, हरी सापकोटा, कलेज कोडिनेटर कृष्ण अधिकारीले मन्तब्य राखेका थिए । कार्यक्रमलाई रौनक बढाउदै बिद्यार्थीले नृत्य, कविता, गजल, गायन प्रस्तुत गरेको थियो । यस्का साथै नव उदयमान गायक दिपेन्द्र राईले गित गाएर अभिभावक, बिद्यार्थी र अतिथीलाई समेत नचाएको थियो । स्वागत मन्तब्य कक्षा १२ मा अध्ययनरत निषा पौडेलले राखेकी थिइन् भने कार्यक्रम बिद्यार्थी आफैले संचालन गरेको कलेज सचिव हरीराय माझीले जानकारी दिए ।