राख संवाददता
झुम्का,साउन २० । बालबालिकाको उचित बाल अनुकुल स्याहार तथा प्रारम्भिक उत्प्रेरणको अवसर प्रदान गर्न रामधुनीका सामुदायिक विद्यालयहरुमा बालबालिकाको सपना तथा सिकाई परियोजना संचालनहुदै आएको छ । शिक्षण विधिमा परिवर्तन सहित बालबालिकाको चौतर्फी विकास गर्ने उधेश्यले प्लान नेपालको सहयोगमा ग्रामिण समाज उत्थान केन्द्र(आरएसडिसी)ले परियोजना अन्तर्गत कार्यक्रम संचालन गर्दै आएको हो ।
संचालित परियोजनामा सन २०२२ मा गरेको गतिविधिको समिक्षा तथा आगामी सन २०२३ मा संचालन हुने कार्यक्रमको बारेमा संस्थाले सुक्रवार सुझाव लिएका छन् । रामधुनी नगर प्रमुख संकरलाल चौधरीको सभापतित्वमा आयोजित कार्यक्रमबाट आएको सुझावमा रामधुनीको सबै वडामा परियोजना संचालन हुनु पर्ने, १२ बर्ष देखि संचालित कार्यक्रम रामधुनीको अन्य वडाका बिद्यालयहरुले अनुभव गर्न नसकेकोले परियोजनाको समय अवधि तथा सहयोगमा थप गर्नुपर्ने सुझाव आएको छ । यसैगरी रामधुनीमा लागू भएको थारु भाषाको पाठ्यक्रमकोलागि पनि सहयोग गर्नु पर्ने कार्यक्रमबाट थप सुझाव आएको हो ।
बालिका तथा किशोरी युवा महिलाको समावेशी,उच्च रुपमा गुणात्मक, सुरक्षित तथा समय सान्दर्भिक शिक्षामा पहुच भई आफुले चाहेको भबिषयकोलागि तयार हुन परियोजनाको उधेश्य रहेको छ । उधेश्य अनुरुप संस्था मार्फत गरेको सहयोगबाट बालबालिका बिद्यार्थीहरु आफै पढ्न उत्सुक्ता भएको, खेल माध्यमबाट सिकाई उपलब्धि प्राप्त गरेको, बिचमै बिद्यालय छोड्ने बालबालिका कम भएको, कोठाहरु शैक्षिक संरचना अनुसार व्यवस्थापन भएको पंचायत माबिका शिक्षक संकर लुईटेलले जानकारी दिए । संस्थाबाट स्वच्छ खानेपानिकालागि फिल्टर, टि.भी.माध्यमबाट पढाउने वातावरण, फर्निचर लगायतका शैक्षिक समाग्री सहयोगले शिक्षा लिने विधि परिवर्तन भई सहज भएको शिक्षक लुईटेलले समिक्षा कार्यक्रममा जानकारी दिएका हुन् ।
रामधुनी नगरमा ६,७,८ र ९ नं. वडाको १२ वटा बिद्यालयको कक्षा १ देखि ३ सम्मको बालबालिका बिद्यार्थीहरुलाई प्राथमिक्तामा राखेर सिकाई परियोजना अन्तर्ग सहयोग गर्दै आएको ग्रामिण समाज उत्थान केन्द्रकी सिकाई परियोजना संयोजक शिखा किरणले जानकरी दिइन् ।
यसैगरी बालबलिकाको सपना परियोजनामा अनतर्गत रामधुनी २ र ४ नं. वडाको बिद्यालयमा संचालित रहेको परियोजना संयोजक तिलक राईले जानकारी दिए । स्पेनको गृहयुद्धबाट निम्तिएको समस्या सुधारकालागि संचालित परियोजना नेपालमा २६ बर्ष देखि कार्य गर्दै आएको छ ।