राख संवाददाता
झुम्का,जेष्ठ २५ । प्रथम रामधुनी महोत्सव २०८० मा टिकटक स्टार प्रिती पासवानले ४ हजार दर्शकको माया पाएको छ । महोत्सवको पाँचौ दिन बुधवार पासवान आफ्नो मनमोहक नृत्य प्रस्तुती राख्दै गर्दा महोत्सव अवधिकै उलेख्य दर्शक उपस्थिती हुँदै दर्शकको माया पाएकी हुन् ।
टिकटकमा भाइरल भएकी पासवान झुम्काको रामधुनी महोत्सवमा नेपाली, भोजपुरी, हिन्दि गीतमा नृत्यगरी दर्शकलाई नचाएका थिए । महोत्सवमा करिब एक घण्टा नृत्य गरेकी थिइन् । बिच बिचमा सायरी भन्दै दर्शकलाई हौसाएका थिए ।
आज बिहिवार चर्चित राष्ट्रिय लोक तथा दोहोरी ब्याटल र्यापर गायिका प्रिति आले मगरको बेजोड प्रस्तुती रहने आयोजकले जनाएको छ । लोक गीतका पारखी दर्शकहरु आज प्रत्यक्ष मनोरंजन लिन सकिने भएकोले महोत्सवमा सहभागी हुन संयोजक बिनोद चौधरीले अनुरोध गरेका छन् ।
चर्चित राष्ट्रिय लोक तथा र्यापर गायिका प्रिति आलेको ‘दोहोरी ब्यटल’ को ‘ओई माया नबोले पनि हलाई देउ हाथ’…….‘आफनो बाटो लागि हाल बरु ब्यर्थै पिटाई भेटलास है भाईहरु’………. ‘बरी लै…….’ यसैगरी ‘चुप लाग् ठिस’वा वा वा वा…… ‘कुुखुराको भाले’…….झन झन राम्री भै छौ……जस्ता लोक र्याप गीत चर्चित रहेको छ । महोत्सवमा गायिका आलेले उत्कृष्ट प्रदर्शनगरी दर्शकलाई नचाउँने झुमाउँने आयोजकले जनाएको छ ।
यसैगरी जेष्ठ २६गते सुक्रवार राष्ट्रिय गायक शिव परियारको प्रस्तुती रहने छन् । गायक परियारले स्रोता दर्शक सामु धेरै हिट र उत्कृष्ट गीतहरु दिएका छन् । शिव परियारको ‘पिलायौ साथीले………’ ‘पाकेर खा को फल मिठो…………’ ‘फुुलै फुल दिन्छौ की……..’ लगायत गीतहरु दर्शक माझ चर्चित छन् ।
महोत्सवमा स्टल समेत व्यवस्थित भैसकेकोले स्टल बुकिङ्ग खुल्ला गरिएको छ । महोत्सव जेष्ठ १९ गतेबाट उद्धघाटन भएको छ भने असार ५ गने सम्म संचालन रहने आयोजक रामधुनी युवा क्लवले जानकारी दिएको छ । स्टल बुुकिङ्गका लागि बिनोद चौधरीको मोबाइल नं. ९८०५३८२४९६ मा सम्पर्क गर्न अनुरोध समेत गरिएको छ ।
