राख संवाददाता
झुम्का, जेष्ठ २५ । प्रेम प्रसंगको युवा रोचक गीत गाएर चर्चामा रहिरहने राष्ट्रिय गायक शिव परियारले रामधुनी महोत्सवमा जेष्ठ २६ गते सुक्रवार स्टेज तताउँने भएको छ । शिव परियारले आफ्नो चर्चित गीतहरु प्रस्तुतगरी महोत्सव र दर्शकलाई नचाउँने आयोजकले जनाएको छ ।
गायक परियारले स्रोता दर्शक सामु धेरै चर्चित र हिट गीतहरु दिएका छन् । शिव परियारको नयाँ चर्चित गीतहरुमा ‘हल्ला हल्लामा माया बस्यो…….. ‘धोकेवाज हौ तिमि……….. ’ ‘पिलायौ साथीले………’ ‘पाकेर खाको फल मिठो…………’ ‘फुुलै फुल दिन्छौ की……..’ लगायत गीतहरु दर्शक माझ अधिक चर्चित छन् ।
गायक शिव परियारले भिडियो जारी गरेर भनेका छन् ‘नमस्ते नमस्ते झुम्का निवासी सम्पूर्ण मेरा आदरणीय दर्शक स्रोता महानुभावहरु जेष्ठ २६ गते सुक्रवार दर्जनौ गीत लिएर आउँदै छु’ भन्दै शन्देस दिएका छन् ।
शिव परियार करिब एक दसक देखि शास्त्रीय संगीत सिकेर, संगीत प्रशिक्षण र व्यावसायिक गायनमा लागेका परियारका चर्चित एल्बमहरु बजारमा आइसकेका छन् । उनी अहिलेका चलेका नेपली गायक हुन् । यस बाहेक उनी नेपाली चलचित्रहरूका लागि पनि गीत गाउँने गर्छन् ।.
रामधुनी नगर र झुम्का बजार पर्यटन प्रवद्र्धन गर्न आयोजकले राष्ट्रिय तथा स्थानीय कलाकार गायकहरुलाई प्रस्तुतीका लागि सहभागी गराई रहेका छन् । ‘राष्ट्रिय कलाकारहरु रामधुनी र झुम्काको नाम लिएर आफनो प्रस्तुुती गरीरहदा यसले रामधुनी नगर तथा झुुम्का बजारको पहिचान र प्रवद्र्धनको पक्ष समेटि रहेको छ’ भन्दै दर्शकहरु समेत सहभागी भएर सहयोग गर्नुहुन महोत्सव संयोजक बिनोद चौधरीले अनुुरोध गरेका छन् ।
महोत्सवमा स्टल समेत व्यवस्थित भैसकेकोले स्टल बुकिङ्ग खुल्ला गरिएको छ । महोत्सव जेष्ठ १९ गतेबाट उद्धघाटन भएको छ भने असार ५ गते सम्म संचालनमा रहने आयोजक रामधुनी युवा क्लवले जानकारी दिएको छ । स्टल बुुकिङ्गका लागि बिनोद चौधरीको मोबाइल नं. ९८०५३८२४९६ मा सम्पर्क गर्न अनुरोध समेत गरिएको छ ।