राख संवाददाता
झुम्का,जेष्ठ ३१ । प्रथम रामधुनी महोत्सवमा आज बुधवार चर्चित गायक प्रताप दास र चर्चित गायिका अनुमा चौधरीको प्रस्तुती रहने छ । रामधुनी नगरपालिका वडा नं.–१ झुम्कामा जारी महोत्सवको बाह्रौ दिन जेष्ठ ३१ गते प्रतापको प्रस्तुती संगै गायिका चौधरी र स्थानीय चर्चित कलाकारहरुको प्रस्तुती रहने रामधुनी युवा क्लवले जानकारी दिएको हो ।
नेपाल आइडलको पहिलो सिजनमा सेकेन्ड रनरअप हात पारेपछि आफनो गायनकला अगाडी बढाउँदै गर्दा देश विदेशका विभिन्न स्थानमा हुने कन्सर्टमा प्रतापको क्रेज देखिएको छ । गायक प्रताप पछिल्लो समय पाश्र्व गायन र म्युजिक भिडियोमा निकै व्यस्त छन् ।
प्रतापले रामधुनी महोत्सवमा संगीतमय बनाउँने महोत्सव आयोजकले जनाएको छ । प्रतापको पछिल्लो चर्चित गीत ‘बाफ’ हो । उनले फिल्म ‘प्रेमगीत २’ मा इन्दिरा जोशीसँग ‘मोटरसाइकल’, ‘नाइँ नभन्नु ल’मा मेलिना राईसँग गाएको ‘अलिकति स्वीट’,‘रोज’मा प्रविशा अधिकारीसँग गाएको ‘फूल होइन काँडा’ गीत निकै रुचाइएका छन् ।
त्यस्तै द राइजिङ्ग म्युजिकल एण्ड डान्स कृ सुनसरीको प्रस्तुती समेत रहनेछ । क्लवका संस्थापक अध्यक्ष तथा गायक सुुनिल चौधरी यसैगरी अनुमा चौधरी लगायतका कलाकारहरुको प्रस्तुती रहने छन् । गायक सुनिल चौधरी र गायिका अनुमा चौधरीले थारु र नेपाली भाषाको गीत गाएर चर्चामा छन् । गायिका चौधरीको गीत ‘पिया पिया…………‘दिलके ढडकन……..दर्शक माझ चर्चित छ ।
गायक प्रताप र स्थानीय कलाकारको समायोजनले महोत्सवमा संगीतको रौनक बढ्ने महोत्सव संयोजक विनोद चौधरीले जानकारी दिए ।