रामधुनी खबर संवाददाता
झुम्का,पौष २८ । रामधुनी नगरपालिकाको १७ औँ नगर सभा सम्पन्न भएको छ । आ.ब.२०८१÷०८२ को बजेट रकम र योजनामा संशोधन र थप कार्यक्रम पारित गर्दै शनिवार १७ औँ नगर सभा समपन्न भएकोे हो ।
नगर प्रमुख शंकरलाल चौधरीको सभाध्यक्षतामा नगर सभाबाट संशोधन र थप कार्यक्रम अनुसार रु ११ करोड ६ लाखको बजेट पारित गरेको छ । आ.ब.२०८१÷०८२ को लागि नगरपालिकाको १६ औँ नगर सभाबाट रु ७५ करोड ३२ लाख २१ हजार पारित गरिएको थियो ।
सो बजेट र कार्यक्रम अन्तर्गत संशोधन र थप कार्यक्रम ल्याउँदै नगरपालिकाको संशोधित बजेट नगर उपप्रमुख तारा थापाले प्रस्तुत गर्नु भयो । उहाँले वडा र नगर स्तरीय योजनका संशोधन र थप कार्यक्रमको रु ११ करोड ६ लाखको बजेट प्रस्तुत गर्दै झुम्का आधारभुत अस्पतालका लागि रु १ करोड ४९ लाख ५० हजार विनियोजन गरेको प्रस्तुत गर्नु भएको छ ।
यसैगरी नगर प्रहरीका लागि ऐन २०८१ संशोधन सहित पारित गरिएको छ । नगर प्रमुख चौधरीले नगर प्रहरी ऐन पारितका लागि प्रस्तुत गर्नु भएको थियो । सो अनुसार नगर सभामा सदस्यहरुले पारित गरेका हुन् ।

नगर सभामा नगर प्रमुख चौधरीले रामधुनी नगरपालिका तरल अवस्थामा रहेको बताउनु भयो । तरल अवस्थामा रहेपनि कामकाजीमा अगाडि रहेको बताउनु भएको छ । भरखरै महालेखा परिक्षकले अडिट गरेर गएको बताउनु हुँदै उहाँहरुले अरु नगरपालिका भन्दा कागजात चुस्त दुरुस्त रहेको बताउनु भयो । यसर्थ रामधुनी नगरपालिका अगाडि रहेको बताउनु भएको छ ।
नगर सभामा सम्बोधन गर्नु हुँदै झुम्का आधारभुत स्पताल छिट्टै संचलानमा आउने बताउनु भयो । बिमा रेफरलाई प्राथमिक्ता राखेर माघको पहिलो हप्तामा संचालनको प्रयास गर्नेगरी योजना ल्याएको बताउनु भएको छ । ५ शैयाको झुम्का आधारभुत अस्पताल नगरपालिकाको निजि स्रोतबाट संचालन गर्न लागेको जानकारी दिनु हुँदै १५ शैयाको बक्लौरी अस्पताल संघिय योेजना रु १९ करोड रहेको र सो अस्पताल पनि संचालन गर्ने बताउनु भयो ।

प्रमुख प्रसाशकिय अधिकृत प्रमोद चौधरीले सहजिकरण गर्नु भएको नगर सभाको प्रस्तुत योजना, कार्यक्रम, बजेटमाथी नगर सभा सदस्यहरुले सुझाव व्यक्त गरेका छन् । रामधुनी वडा ३ का वडा सदस्य अनिल पराजुलि, वडा नं. २ का रामनारायण चौधरी, वडा नं. ८ का दानबहादुर दुलाल, वडा नं. ७ का बासुदेव माझी, वडा नं. ७ कै वडा सदस्य श्रवण चौधरी र वडा नं. १ का वडा सदस्य रामभरोसी साहले सुझाव ब्यक्त गरेका थिए । आएका सुझावहरुमा नगर प्रमुख चौधरी, उपप्रमुख थापा र प्रमुख प्रसाशकिय अधिकृत चौधरीले जवाफ दिनु भएको थियो ।