रा.ख.सम्वाददाता
झुम्का, माघ १ । पौष महिनाको अन्तिम तिर माघ महिना चढ्नै लाग्दा जाडो एक्कासी बढेको छ । सितलहर चल्न थालेको छ । शितलहर र जाडोका कारण बालबालिकाहरु बिध्यालय आउन छोड्न थालेपछि स्थानियहरु रकम संकलनगरी बिपन्न परिवारका बिध्यार्थिहरुलाई न्यानो कपडा बितरण गरेको हो ।
रामधुनी नगरपालिका वडा नं. ७ स्थित श्री पञ्चायत माध्यमिक बिध्यालयका शिशु कक्षा देखि ५ कक्षा सम्मका आर्थिक कमजोर परिवारका बिध्यार्थिहरुलाई स्वेटर, टोपी र मोजा सहयोग गरेका छन् । न्यानो कपडा सहयोगले त्याहाका बालबालिका बिध्यार्थिहरुलाई जाडोले निमत्याउन सक्ने सम्भावित जोखिमलाई न्युनिकरण गर्न प्रयास गरिएको छ । सितलहरले हुन सक्ने रुघा, खोकी, निमोनिया, कठ्याग्रिने जस्ता समस्याहरुको मध्यनजर गर्दै त्याहाका स्थानियहरुले रकम संकलनगरी ३० जना बिध्यार्थिलाई न्यानो कपडा उपलब्ध गराएको छ । स्थानिय महिलाअधिकार कर्मि तथा बालबालिका अधिकार सुंरक्षित कर्ता डायन्द्रा ढुंगानाको नेतृत्वमा यथासक्य रकम जोहोगरी बितण गरेको हो ।
स्थानियहरु जागरुक भएपनि नगरपालिका तथा स्थानियतहका सरोकारवालाहरु चासो दिएको देखिदैनन् । नगरपालिकाका जनप्रतिनिधि होस वा कर्मचारी उनीहरु बजेट रकम तलमाथी गर्नेमा लागेकाले बिपन्नलाई देख्नै छाडेको छ ।
बिध्यालयमा २ सय ६५ जना बिध्यार्थिहरु अध्यनरत छन् । न्यानो कपडा बितरणले बिध्यालय सम्म आउने बिध्यार्थिहरु निरन्तरता रहने र जाडोकै कारण बञ्चित नहुने वडाअध्यक्ष केशव गौतमले बताए । वडाअध्यक्ष गौतमले बिध्यार्थिलाई स्वेटर, टोपि र मोजा बितरण गर्दै स्थानियहरुले स्वइच्छाले गरेको सामाजिक कार्य सराहनिय रहेको बताए । बिध्यालयमा वडा कार्यालयबाट बिध्यार्थि सुरक्षाकालागी चेनगेट, बिध्यालय प्राङ्गमा माटो पुर्ने लगायतका सहयोग गरेका छन् । बिध्यालयमा गत बर्ष देखिनै बिध्यार्थिहरुलाई सिसी क्यामेराद्धारा निगरानी गर्ने प्रबिधि संचालनमा छन् । पुर्ण बालमैत्रि र दण्ड रहित तवरबाट शिक्षण सिकाई क्रियाकलाप संचालनगरी बालमैत्रि बिध्यालय स्थापनामा जुटेको बिध्यालयका प्रध्यानाध्यापक संकर लुईटेलले जानकारी दिए । बिध्यालयमा बालबालिकाहरुको अधिकार संरक्षित गर्दै बालक्लव समेत गठन गरिएको छ ।
बितरण कार्यक्रममा शिक्षक, अभिभावक, स्थानिय सहयोग कर्ता, बिध्यालय ब्यवस्थापन समितिका अध्यक्ष युवराज कट्वाल लगायत बालअधिकार कर्मिहरुको उपस्थिती रहेको थियो । वडा नं. ७ मा ३ वटा सामुदायिक बिध्यालय छन् भने सो मध्ये २ वटा माध्यमिक स्तरका छन् । ३ वटा संस्थागत बिध्यालय छन् ।
