रा.ख.सम्वाददाता
झुम्का, चैत्र १५ । मधेशी मिथिला एकता समाज रामधुनी नगरकार्य समितिले आइतवार पिछडा वर्गको सामुदायिक भवनमा होली मिलन कार्यक्रम सम्पन्न गरेको छ । मधेशी मिथिला समुदाय संगठितभई आर्थिक, ब्यापारिक, राजनैतिक, नेतृत्वमा बृद्धि लगायत सामाजिक कार्यमा एकबद्ध हुनुपर्ने जोड दिदै होली मिलन कार्यक्र्रम गरेको हो ।
होलीको अवसरमा नगरका सम्पुर्ण मधेशी मिथिला समाज एक ठाउँ भेलाहुदै परिचय तथा चिनजानबाट सदभाव कायम हुने उधेश्यले २०७७ सालको होली मिलन कार्यक्रमको आयोजना गरेको समाजका अध्यक्ष भोला रौनियारले जानकारी दिए । शिक्षक तथा बुद्धिजिवी, समाजसेवी जितेन्द्र नायकको प्रमुख आतिथ्यता रहेको कार्यक्रममा आपसमा अबिर लगाई शुभकामना आदान प्रदान गरेका छन् । कार्यक्रको औपचारितामा बोल्दै बक्ताहरुले रामधुनीमा मतदाता र करदाता रहेर मात्र बस्न नहुने भन्दै जनसंख्याको आधारमा अधिकार र नेतृत्व पनि लिनुपर्नेमा पछाडी नहट्न सुझाव दिए । समुदायमा रहेको बिकृति संस्कारहरु बिरुद्ध पनि एकता समाज लाग्नु पर्नेमा जोड दिए । भोदभाव, सानै उमेरमा विहेवारी, दहेज प्रथा समुदायमा अझै बिधमान रहेकोले बिकृति बिरुद्ध दुरुतसाहित गर्नमा पनि एकता समाजको भुमिका हुनु पर्ने अतिथीहरुले उठान गरका छन् ।
समुदायका अग्रज ब्यक्ति श्यामदेव साहको सभापतित्वमा होलि मिलन कार्यक्रममा जागेश्वर साह, भोला रौनियार, धमेन्द्र साह, रामकरण खड्गा, वडा सदस्य सुरेश साह, सुरेशलाल ठाकुर,बद्री माझी, श्यामकुमारी साहले बोल्दै राजनैति क्षेत्र सहित सामाजिक रुपले नेतृत्वतहमा पुग्न जोड दिनुपर्ने बताए । कार्यक्रममा उपस्थित सबैमा शब्दसुमनले स्वागत मनतव्य राजु साहले गरे भने कार्यक्रमको उद्धघोषण मिलन रौनियारले गरेका थिए ।