राख संवाददाता
झुम्का, साउन २४ । नेपाली कांग्रेसको भातृ संगठन नेपाल महिला संघको आज (मंगलबार) ७५ औँ स्थापना दिवस मनाएको छ । दिवसको अवसरमा रामधुनी नगर समितिद्धारा दिप प्रज्वलनगरी मनाएको हो ।
नगर समितिकी अध्यक्ष आशा चौधरीको सभापतित्वमा झुम्काको आदिवासी पार्क खुल्ला व्यामशालामा भेलाभई महिलाहरुको हक, अधिकार, राजनीतिक पहुचको बारेमा सचेतना दिदै दिप प्रज्वलन गरेको छ ।
महिलाको हकहितका लागि २००४ सालमा स्वर्गीय मंगलादेवि सिंहको अगुवाईमा स्थापना भएको नेपाल महिला संघ मंगलवारबाट ७५ औँ वर्षमा प्रवेश गरेको नेपाल महिला संघ रामधुनीकी अध्यक्ष आशा चौधरीले बताइन् ।
दिप प्रज्वलन कार्यक्रममा नेपाली कांग्रेस रामधुनी नगर सचिव द्धय महेश चौधरी र दोस्तीराम चौधरी लगायतका समितिका पदाधिकारीहरुको उपस्थिती रहेको थियो ।
प्रजातान्त्रिक, लोकतान्त्रिक तथा गणतान्त्रिक राज्य व्यवस्था एवम् मूल्य पद्धतिको स्थापनाको लागि महिला नेतृ स्व. मंगलादेवी सिंहको सकृयतामा वि.सं. २००४ सालमा नेपाल महिला संघको स्थापना भएको थियो ।
२००४ साल श्रावण २४ गते तदनुसार १९४७ अगष्ट ८ का दिन मंगलादेवी सिंहको सक्रियतामा भेडासिंस्थित चिनियालाल श्रेष्ठको घरमा भूमिगत रुपमा महिला भेला भई मंगलादेवी सिंहको अध्यक्षतामा नेपाल महिला संघको पहिलो ११ सदस्यीय तदर्थ कार्यसमिति गठन भएको थियो । नेपाल महिला संघले यसैलाई आफ्नो स्थापनाको मिति मान्दै आएको छ ।
