राख संवाददाता
झुम्का,चैत्र २४ । स्थानीय स्वास्थ्य प्रणालीलाई सुुदृढका लागि सुुनसरीका आठ पालिकामा विश्वास परियोजना संचालन भएको छ । सेभ द अर्थको सहजिकरण र फेयर मेड को आर्थिक तथा प्राविधिक सहयोगमा संचालन भएको हो ।
सुनसरीको कोशी गाउँपालिका, भोक्राहा नरसिंह गाउँपालिका, इनरुवा नगरपालिका दुुहबी नगरपालिका, गढी गाउँपालिका, देवांगज गाउँपालिका र बर्जु गाउँपालिकाको समुदाय तथा स्वास्थ्य चौकीहरुमा परियोजना संचालनले स्वास्थ्य व्यवहारमा प्रवद्र्धन गर्दै आएको छ ।
परियोजनाको मुख्य कार्यहरु उपेक्षित उष्णप्रदेशीय रोगहरु न्युनिकरण तथा सचेतना, आमा तथा नवशिशुु स्वास्थ्य र अपाङ्गता रोकथाम र पुुर्नस्थापना गर्ने रहेको छ । सन् २०२२ मा परियोजना संचालनको सामाजिक लेखा परिक्षण सार्वजानिक गर्दै सेभ द अर्थले सो परियोजनाका गतिविधिका बारेमा जानकारी दिए ।
परियोजनाले स्वास्थ्य रहन विधिहरु प्रयोग भएको र सो बिषयमा गर्भवती महिलाहरुलाई जानकार हुन अवसर प्राप्त भएको छ । परियोजना सुुरु भएपछि गर्भवती महिलाहरुले नियमित स्वस्थ्य संस्थामा गएर स्वास्थ्य जाँच गराउँने गरेको छ । स्वास्थ्य समस्या बारेमा छलफल लगायतका स्वास्थ्य संरक्षण गर्ने प्रयासहरु हुने गरेको सामाजिक परिक्षणबाट जानकारी दिएको छ ।
स्थानीय तहबाट स्वास्थ्य क्षेत्रमा योजना तथा बजेटको अभावले ग्रामिण क्षेत्रका आर्थिक बिपन्नहरु स्वस्थ्य पहुचबाट बञ्चित रहेको सेभ द अर्थका अध्यक्ष पुुष्प भट्टराईले बताए । बाटो घाटो बनाउँनेमा बजेट प्राथमिक्ता पर्छन तर महत्व पूर्ण संवेदनशिल रहेको स्वास्थ्यमा बजेट विनियोजन गर्न नसकेको अध्यक्ष भट्टराईले जानकारी दिए ।
संस्थाले विश्वास परियोजना अन्तर्गत २०२३ मा संचालन गर्ने कार्यक्रमहरुको समेत सार्वजानिक गरेको छ । समुुदाय स्तरमा स्वास्थ्यलाई थप प्रभावकारी बनाउँन कार्यक्रमहरु सार्वजानिक गरेको हो । स्वास्थ्य संस्था व्यवस्थापन तालिम, स्वास्थ्य कर्मी तथा स्वास्थ्य स्वयम सेविकाहरुलाई उपेक्षित उष्णप्रदेशीय रोगहरु बरेमा तालिम, शिविर, सचेतना तालिम, स्कुलहेल्थ कार्यक्रमहरु संचालन गर्ने जनाएको छ ।
सार्वजानिकीकरण कार्यक्रममा नेपाल पत्रकार महाँसंघ केन्द्रिय सदस्य अमर खड्काले संस्थाबाट भएगरेका गतिविधिका बारेमा पार्दशिता, जवाफदेहिता र जिम्मेवारीता प्रदान गर्दै आएकोले संस्थाले गरेको कार्यहरु समाजिक स्तरमा प्रभावकारी हुने गरेको धारणा ब्यक्त गरेका हुन् ।
