राख संवाददाता
झुम्का, चैत्र २० । झुम्का उद्योग बाणिज्य संघको आज चैत्र २० गते सोमवार हुने चुनाव तिन अध्यक्ष उमेदवार सहितको प्यानलद्धारा बहिष्कार गरेको छ । रामधुनी नगरको भूूगोल बाहिरको मतदाताको फर्जी ठेगाना लेखाएर गरिएको चुनाव धाँधली भएको र व्यापारी माथी राजनीतिकरण गर्न खोजिएको भन्दै पत्रकार सम्मेलनगरी बहिष्कार गरेका हुुन् ।
चुनावमा पाँच अध्यक्ष उमेदवार रहेकोमा तिन अध्यक्ष उमेदवार भरत कार्की, दुुर्गा फुुयाल र सन्दीप गौतम सहितको प्यानलले चुनाव बहिष्कार गर्दै चुनाव धाँधली र व्यापारी माथी राजनीतिकरण गरेको बताए ।
तिन अध्यक्ष उमेदवार सहितको हस्ताक्षर भएको प्रेश बिज्ञप्तीमा झुम्का उद्योग बाणिज्य संघको निर्वाचन गर्ने एक पक्षिय योजना भएकोले २०७९ चैत्र २० गते हुने भनिएको निर्वाचनमा भाग नलिने र सबै स्वाभिमानी न्यायका पक्षधर उद्योगी ब्यापारीहरुले सहभागी नहुन अनुरोध गरिएको छ ।
बिज्ञप्तीमा रामधुनी नगर बाहेकका बाहिरी ब्यापारीलाई पनि मतदाताको फर्जी ठेगाना लेखाएर मान्यता दिएकोले निर्वाचनमा धाँधली गरेको आरोेप रहेको छ । सम्मानित अदालतले निर्णय दिएको मितिले २४ घण्टा समय समेत नदिई एकलौटी घोषणा गरेको भन्दै बहिष्कार गरेको छ ।
निर्वाचन समिति प्रमुुख डिल्ली कार्कीले उमेदवारहरु संगको समन्वयमा समय निर्धारण गर्न अनुरोध गर्दा समेत हुकुुमी शैलीमा कुनै एक प्यानललाई जिताउँन दुरासायले निर्वाचन समय तोकिएकोले बहिष्कार गर्नु परेको बिज्ञप्तीमा उल्लेख रहेको छ ।
यसैगरी सबै अध्यक्ष उमेदवारहरुको सहमतिले निर्वाचन मिति तयगरी संचालन गर्न निर्वाचन समितिलाई निवेदन समेत दिएको छ ।
संघको चुनाव आज सोमवार मध्यान्ह १२ः१५ बजे देखि बेलुुका ०६ः१५ बजे सम्म हुने निर्वाचन समितिले सूूचना जारी गरिएको थियो । निर्वाचन कार्यतालिका अनुसार चैत्र १९ गते नै रहेको थियो ।
रामधुनी नगरको भूूगोल बाहिरका फर्जी ठेगाना भएका मतदाता रहेकोले धाँधली भएको भन्दै उच्च अदालत बिराटनगरमा रिट पर्दा निर्वाचन स्थगीत गर्न आदेश आएको थियो भने चैत्र १९ गते पेशी अनुसार रिटमा सुनुुवाई भएको थियो ।
