रामधुनी खबर साप्ताहिक
झुम्का, फागुन २० । बालमैत्री वडा घोषणाको कार्यान्वयन र सक्रृय बनाउँन रामधुनी ९ नं. वडाले बालमैत्री पूर्वाधार विकासलाई प्राथमिक्ता दिएको छ । ‘बालबालिकामा लगानीः सुनिश्चित भविष्यको थालनी’ को आत्मसाथ गर्दै वडाले बालबालिकाहरुको अधिकार संरक्षणका लागि प्राथमिक्ता दिदै छप्की पोखरीमा बालमैत्री भवन तथा चिल्ड्रेन पार्क निर्माण गर्न लागेको हो ।
बालबालिकाहरुको चौतर्फी विकासको अवधारणा अनुसार आइतवार पार्क निर्माण तथा बालमैत्री भवन चिल्ड्रेन पार्क निर्माण शिलान्यास गरेको छ । संघिय सरकारको पूर्व कृषि तथा पशुपंक्षि विकास राज्यमन्त्री रामकुमारी चौधरीले शिलान्यास गर्नुभयो । पूर्व राज्यमन्त्री चौधरीले भवनको शिलान्यास गर्दै बालबालिकाहरुको अधिकार स्थापित गर्न निर्माण हुन लागेको पार्क नगरकै नमुना भवन तथा पार्क बन्ने विश्वास लिनुभयो । विकास निर्माणमा राजनीतिक गर्न नहुने उहाँले धारणा ब्यक्त गर्नुभयो । पार्टीको आस्था फरक–फरक होला तर विकासमा राजनीतिक गर्न नहुने भन्दै छप्की पोखरीमा रहेको ऐतिहासिक परम्परागत पहिचान पनि स्थापित हुनुपर्ने सुझाव ब्यक्त गर्नुभयो ।
संघिय सरकारबाट आएको रु १ करोड बजेटमा रु ६४ लाख १७ हजार १४६ मा ठेक्का लागेको छ । प्रचबी बिल्डर्स इनरुवा २ सुनसरीले योजना निर्माण गरिरहेको वडा अध्यक्ष चौधरीले जानकारी दिए । योजना २०८१ असार १० गते सम्पन्न हुने समझौता रहेको छ ।
कार्यक्रममा पूर्व मेयर जयप्रकाश चौधरीले रामधुनी ९ नं. वडामा बालमैत्री पार्क र पूर्वाधार विकासले नगरको बालबालिकाहरुलाई स्थापित गर्ने बताउनुभयो । बालमैत्री नगर घोषणा पछि बालमैत्री पूर्वाधारको पनि आवश्यकता रहेकाले बालमैत्री आधारलाई पुरा गर्न रामधुनी ९ नं. वडा कार्यालयले निरन्तरता दिदा खुसी लागेको धारणा ब्यक्त गर्नुभयो । रामकुमारी चौधरी मन्त्रीहुँदा अवस्थामा रामधुनी नगर विकासमा संघिय सरकारबाट गरेको प्रयास मध्ये चिल्ड्रेन पार्क पनि रहेको पूर्व मेयर चौधरीले जानकारी दिनु भयो । पूर्व मन्त्री चौधरीले यो योजना र बजेटका लागि अथक प्रयासगरी ल्याउन सफल बजेट कार्यक्रम हालमा वडा अध्यक्ष घनश्याम चौधरीले निरन्तरता दिइरहदा पूर्व मेयर चौधरीले शुभकामना ब्यक्त गर्दै वडा अध्यक्ष चौधरी संघर्षसिल र जनमर्म अनुसार विकास निर्माणकार्य गरिरहेको बताउनु भयो ।
वडा अध्यक्ष घनश्याम चौधरीको सभापतित्वमा कार्यक्रमगरी छप्की पोखरीमा बालमैत्री भवन तथा चिल्ड्रेन पार्क शिलान्यास भएको हो । छप्की पोखरी ३ बिगहा क्षेत्रफलमा रहेको छ । झगरु चौधरीले ग्रामथान निर्माणगरी छप्की पोखरी संरक्षण गर्दै आएको स्थानीयले जानकारी दिए । सो पोखरी थारु समुदायको साँस्कृतिक भूमि रहेको बताए । त्याहा थारु समुदाय आफनो सम्पूर्ण संस्कारका कर्महरु त्यस छप्की पोखरीमा गर्दै आएका छन् ।
शिलान्यास कार्यक्रममा पूर्व संविधान सभा सदस्य सन्तोष चौधरी, अभियान्ता दिनेश चौधरी, मनोज चौधरी लगायतका स्थानीयहरुको उपस्थिती रहेको थियो । छप्की पोखरी व्यवस्थित र संरक्षणका लागि वडा कार्यालय र वडाअध्यक्षबाट पहल हुँदै आएको छ ।
