रामधुनी खवर संवाददाता
झुम्का, भदौ १३ । हिन्दु महिलाको धार्मिक एवं सांस्कृतिक पर्व हरितालिका तीज नजिकिँदै छ । गाउँ, सहरमा यसको रौनक सुरु भइसकेको छ । तीज नजिकिँदै गर्दा पर्वको थप महत्व उजागर गर्न महिलाहरु सामुहिक भेला भएर तीजको मौलिक बिशेषतालाई मनाउँदै छन् ।
तीज हरेक बर्ष भाद्र शुक्ल तृतियाका दिन मनाइन्छ अर्थात यो पर्व भाद्र शुक्ल दृतिया देखि पन्चमी सम्म मनाउने परमपरा रहेको छ । तीजमा भगवान शिवको पूजा आराधना गरिनुको साथै नाचगान र धार्मिक आस्थाको मनोरन्जन समेत हुने गर्दछ ।
नयाँ उमङ्ग र हर्सौल्लासका साथ घर आँगनमा प्रवेश गरिरहेकोे तीज पर्वको बिशेषता झल्काउदै रामधुनी वडा नं. ४ सहरी स्वास्थ्य केन्द्रका कर्मचारी र महिला स्वास्थ्य स्वयम सेविकाहरुले विहिवार सामुहिक दर कार्यकक्रमको आयोजना गरेको छ । हामी चेलीबेटीहरु तीज पर्वको आगमनको स्वागत गर्दै सामान्य तीजको दर खाने कार्यक्रम राखेको सहरी स्वास्थ्य केन्द्रकी कर्मचारी तथा सप्तरंगी महिला समुहकी सचिव निरुपा कोइरालाले जानकारी दिइन् ।
दर कार्यक्रममा मेयर शंकरलाल चौधरी, वडा अध्यक्ष कमल कार्की, वडा नं. ६ का वडा सदस्य रंजित चौधरीको उपस्थिती लगायत स्थानीय महिलाहरुको सहयोगले दर कार्यक्रम रौनक थपेको बताइन् । महिला दिदी बहिनीहरुमा सम्बन्ध सुधार गर्ने, प्रगाढ गर्ने, आपसी मन मुटावको त्यागगरी प्रेममा बदल्ने पर्वको रुपमा शन्देस उठान गर्दै दर कार्यक्रमको आयोजना गरेको कर्मचारी तथा सप्तरंगी महिला समुहकी सचिव कोइरालाले जानकारी दिइन् ।
