रामधुनी खबर संवाददाता
झुम्का, असोज २७ । श्री छठ माता सेवा समिति रामधुनीको तेस्रो साधारण सभा तथा दोस्रो अधिवेशन सोमबार सम्पन्न भएको छ । अधिवेशनबाट समितिको अध्यक्षमा मिलन रौनियार सहित कार्य समितिका पदाधिकारीहरु सर्वसम्मत रूपमा चयन भएको हो ।
समाजसेवी तथा योगदान कर्ता व्यक्तित्व जितेन्द्र नायकको प्रमुख आतिथ्यता र संस्थापक अध्यक्ष हरीवंश साहको विशिष्ट आतिथ्यतामा समिति पुनरगठन गरेका छन् । छठ पर्वको प्रवद्र्धन तथा यसको धार्मिक र सांस्कृतिक महत्त्वलाई उजागर गर्दै आएको समितिको पुनर गठित नयाँ कार्यसमितिको प्रथम उपाध्यक्षमा कमल कुमार साह, द्वितीय उपाध्यक्षमा श्यामकुमारी साह, महासचिवमा रिनादेवी सिंह, सचिवमा मिथलेश मल्लिक, सहसचिवमा अजय गुप्ता र कोषाध्यक्षमा शोभा देवी साह चयन भएका छन् ।
त्यसैगरी, सदस्यहरूमा दिनेश शर्मा, सुनिल साह, सुरज साह, अरविन्द शर्मा, आनन्द सोनी, सञ्जा कुमारी चौधरी, सन्तोष साह र ममता साह चयन भएका छन् । समितिको संरक्षकमा धर्मेन्द्र साह रहेका छन् भने सल्लाहकारमा हरिवंश साह, भोला प्रसाद रौनियार, राकेश सोनी, वीरेन्द्र प्रसाद साह र चन्द्रभूषण झा रहेका छन् ।
छठ पर्वको धार्मिक आस्था, सामाजिक सद्भाव र सांस्कृतिक परम्पराको संरक्षण तथा प्रवद्र्धनमा समितिले महत्त्वपूर्ण भूमिका निर्वाह गर्दै आएको छ । नयाँ कार्यसमितिले पनि छठ पर्वको मौलिकता संरक्षण गर्दै धार्मिक तथा सामाजिक गतिविधिलाई निरन्तरता दिने अध्यक्ष रौनियारले जानकार दिएका छन् ।