सुनिल चौधरी
झुम्का, असोज २० । रामधुनी नगरपालिकाको झुम्का बजार बुधवार अनुगमनको क्रम्मा म्याद गुज्रिएका खाद्य सामाग्री पाएको छ । बिक्री गर्न राखिका उपभोक्ता हित विपरित खाद्य बस्तु पाएपछि अनुगमन टोलीले जफतगरी नष्ट गरेको छ । सुनसरी प्रशासन कार्यालयको सहायक प्रमुख जिल्ला अधिकारी आनन्द पौडेलको संयोजत्वमा अनुगमन भएको हो ।
झुम्का बजारमा ११ वटा खाद्यान्न तथा किराना पसलमा अनुगमन गरेको छ । अनुगमन गरेको सवै पसलहरुबाट म्याद गुज्रिएका सामाग्री बिक्री गरिरहेको अवस्थामा पाएको खाद्य प्रविधि तथा गुण नियन्त्रण डिभिजन कार्यालय प्रमुख काशीनाथ घिमिरेले जानकारी दिए । उन्का अनुसार दुइ तथा तीन वर्षअघि म्याद गुज्रिसकेको समान बिक्रीका लागि राखेको पाइएको बताए । बिस्कुट, चकलेट, भुजिया, गरम मसला, चाउमिन मसला, मिट मसला म्याद गुज्रिएको पाइएको थियो ।
बिभिन्न किराना पसलबाट म्याद गुज्रिएको रु १२ हजार ६ सय ४५ बराबरको अखाद्यय सामान नष्टगरेको जानकारी दिए । अनुगमनकै क्रममा फेन्टा पाइप, खानेतेल, चाउमिन, बिस्कुट लेवलिङ्ग बिना पाएको छ । पसल नबिकरण नगरेको, बिक्री गरेको बिल बिजक नरहेको, पसल्लै पिच्छे सामाग्रीको मुल्यमा फरक रहेको भेटिदा सचेत गराई उपभोक्ता हितमा सामाग्री बिक्री बितरण गर्न निर्दैशन दिएको धरेलु तथा साना उद्योग कार्यालय इनटहरीका प्रमुख राजन पाण्डेले बताए ।
मासु पसलमा समेत अनुगमन गरेको छ । झुम्कामा रहेको मिटमार्ट पसलमा अनुगमन गर्दा बाहिरै मासु राखेर बिक्री गरेको पाएको छ । बाहिर राखेर मासु बिक्रीगर्दा उपभोक्ताले अनजानमा अस्वस्थ्यकर मासु खानु परेको भन्दै व्यवस्थित गर्न नगरपालिका मातहतकालाई सुझाव दिएको छ । यसैगरी किराना पसलमा खाद्यान्नसंगै सुर्ति जन्य बस्तु बिक्री गर्दा बालबालिका हित बिपरित रहेकोले अनुमति लिएर छुट्टै राखेर बेच्नु पर्ने सुझाव दिएका छन् । सुझावलाई वेवास्ता गरे कानुनी कार्वाहीको दायरामा ल्याउने चेतावनी दिएको छ । अनुगमन गर्दाको अवस्थामा खाद्य तथा किरानाका केही पसलहरु तत्कालै बन्द गरिएको थियो । अनुगमनबाट झुम्कामा रहेका सपिङ्ग सेन्टरमा पनि म्याद गुज्रिएको सामान पाएको छ ।
चाँडपर्वमा उपभोग्य बस्तु बढी खरिद बिक्री हुने भएकोले उपभोक्ता आफै सचेत हुनु पर्ने अनुगमनमा सहभागी नगर उपप्रमुख सविना चौधरीले बताइन् । स्वास्थ्य हितकालागी उत्पादन मिति, उपभोग्य मिति, म्याद नाघेको मिति हेरेर खरिद गर्नु पर्ने अनुरोध गर्दै सामाग्रीमा मुल्य पनि फरक रहेकोले मुल्यको यथार्थ बुझेर खरिद गर्नु पर्ने बताएकी हुन् ।
अनुगमनमा रामधुनी नगरपालिकाका राजस्व अधिकृत बिनय परियार, खानेपानी सरसफाई शाखा प्रमुख टिकाराम चौधरी, झुम्का उद्योग बाणिज्य संघ प्रतिनिधि सुजित राय, बिरेन्द्र साह, इश्वर चौधरी लगायत उपभोक्ता संरक्षण समितिका प्रतिनिधिहरुको सहभागीता रहेको थियो ।