राख संवाददता
झुम्का, असोज २४ । प्रदेश १ का वर्तमान मुख्यमन्त्री भिम आचार्यको अल्पमत र असंवैधानिक सरकार रहेको भन्दै इमान्दारीका साथ नयाँ सरकार निर्माणको बाटो खोल्नु पर्ने प्रमुख प्रतिपक्षी दलका नेता राजिव कोइरालाले बताएका छन् । ‘भिम आचार्य ठुलो पदको नेता, संविधानको धारा पल्टाएर देखाइ दिनु पर्छ, सुहाउदैन बाटो खोल्नुस’, भन्दै प्रमुख प्रतिपक्षी दलका नेता कोइरालाले बताएका हुन् ।
‘हामी गठबन्धनको संस्कृतिमा छौँ, गठबन्धन अनुसारले प्रदेश १ मा बहुमतको सरकार बन्छ’ कोइरालाले धारणा ब्यक्त गरेका छन् । नेपाल प्रेस युनियन सुनसरीले चाँड पर्वको अवसरमा इटहरी स्थित आयोजना गरेको शुभकामना आदान प्रदान कार्यक्रममा सम्बोधन गर्दै उन्ले भने ‘आचार्य आफै संविधान निर्माणका सांसद हुन्, संविधानको धारा संग खेलवाड नगर्नुस, ठुलो पदको नेता मानिने स्वार्थमा नलागी बाटो खोल्नुस’ ।
गठबन्धनमा बहुत रहेकोले आचार्य सहजरुपले छोड्नु पर्ने आश्य ब्यक्त गरे । उन्का अनुसार नेपाली काँग्रेसको २१, माओवादी केन्द्रको १५, समाजवादी १०, जसपा ३, लोकतान्त्रिक गरेर ५० जना पुग्ने भएकोले गठबन्धन संग बहुमत पुग्ने दाबी गरेका हुन् । काग्रेशका आमान्त्रित केन्द्रिय सदस्य नरेन्द्र चौधरीले पार्टीको नेतृत्वमा परिवर्तनको आवश्यका रहेको बताए । देशलाई आर्थिक, सामाजिक रुपमा सबल तुल्याउन काँगे्रसको खाँचो रहेको औल्याउदै पार्टीको नेतृत्वमा परिवर्तन हुनुपर्ने केन्द्रिय सदस्य चौधरीले आफनो धारणा ब्यक्त गर्दै चाँड पर्वको अवसरमा शुभकामना ब्यक्त गरेका हुन् ।
प्रेस युनियन जिल्ला अध्यक्ष पवनअधिकारीको सभापतित्वमा आयोजित शुभकामना आदान प्रदान कार्यक्रममा प्रतिनिधि सभा सदस्य सिताराम महेता, काग्रेश सुनसरी क्षेत्र नं. २ का सभापति मणिराम श्रेष्ठ, इटहरी नगर सभापति हेमकर्ण पौडेल लगायतका बक्ताहरुले शुभकामना मन्तब्य राखेका थिए ।
