राख संवाददता
झुम्का, असोज ३१ । नेपाली कांग्रेस रामधुनी नगरसमितिले रामधुनी वडा नं. ६ बक्लौरी निवासी स्वर्गीय रामदेवी कट्वालको ९ औँ पुण्य तिथिमा आइतवार चिरआत्मा शान्तिको कामना गर्दै मौनधारण सहितको भावपूर्ण श्रद्धान्जली अपर्ण गरेको छ । नेपाली कांग्रेस क्षेत्र नं. ४ ‘क’ का सभापति उपेन्द्र कट्वालको ममतामयी आमा तथा नगर समिति सह सचिव सरल कट्वालको हजुरआमाको निधनप्रति शोक सभा सहित श्रद्धान्जली अपर्ण गरेको हो ।
नेपाली कांग्रेस जिल्ला सभापति राजिव कोइरालाको उपस्थितीमा सुनसरी जिल्ला कार्यसमिति, रामधुनी नगर समिति, वडा कार्यसमिति लगायत तरुणदल नगर र वडा समितिबाट श्रद्धान्जली अपर्ण गरेको नगर सचिव महेश चौधरीले जानकारी दिए । श्रद्धान्जली अपर्ण तथा शोक सभामा रामधुनी नगर प्रमुख जयप्रकाश चौधरी, रामधुनी नगर समितिको सभापति सुदिप अधिकारी तथा समितिका पदाधिकारी, तरुण दलका नगर तथा वडाका पदाधिकारीहरुको उपस्थिती रहेको थियो ।
स्वर्गीय कट्वालको ८३ बर्षको उमेरमा यही अशोज २३ गते निधन भएको हो । तेह्रथुम, खयाक निवासी पिता रणकेशर कार्की र माता सुरुमाया कार्कीको कोखबाट बि.स. १९९५ कार्तिक २७ गते जन्मभई दलबहादुर कट्वाल संग वैवाहिक सम्बन्धमा बाधिनु भई हाल रामधुनी वडा नं. ६ बक्लौरीमा वसोवास गर्दै आएका थिए ।