सुनिल चौधरी
झुम्का,मंसिर २३ । सुनसरीमा पछिल्लो घटनाक्रम हेर्दा महिला र बालिका हिंसा बढ्दो देखिएको छ । जिल्ला प्रमुख अधिकारी इन्द्रदेव यादवको उपस्थितीमा विहिवार मानव अधिकार हनन् तथा उल्लघंनका घटनाहरु सर्वेक्षण गरेको प्रतिवेदन सार्वजानिक अनुसार तुलनात्मक रुपमा महिला र बालिकामा जघन्य अपराध जस्ता हिंसा बढेको देखिएको ह
इन्सेक संस्थाले गरेको पीडित संगको प्रत्यक्ष सर्वेक्षण संकलित अनुसार विभिन्न अपराधिक, मानव अधिकार हनन् तथा उल्लघंनका २७६ घटना देखिएको छ । सो घटना मध्ये २०७ जना महिला पिडित देखिएको छ भने ५३ बालिका हिंसा पिडित सहनु परेको छ । बालिकामा बलात्कार, बलात्कारका प्रयास, बालविवाह, बाल यौन दुरव्यवहार, अपहरण, बेचबिखन, बाल बिज्याईको घटना भएको छ । महिलामा घरेलु हिंसा बढी पाएको छ ।
सुनसरीमा एक बर्ष भित्र २०२१ जनवरी देखी डिसेम्बर ८ सम्म संकलित घटना अनुसार घरेलु हिंसा ९० वटाहुदा सो घटनामा ८९ जना महिला मात्र रहेको छ भने १ पुरुष हिंसामा परेको छ । बलात्कारको ८० घटनाहुदा महिला ६७ र बालिका १३ जना बलात्कृत भएको छ । बलात्कारका प्रयासमा २६ घटना मध्ये महिला १० जना हिंसामा परेकाछन भने बालिका १६ जना रहेको छ । बहुविवाह ३५ वटा भएको छ । १४ बालिकामा यौन दुरव्यवहार भएको छ । हत्याको घटनामा घर झगडामा २ जना महिलाको हत्या भएको छ । यसैगरी हिंसामा एसिड प्रहार, बोक्सी आरोप, बेचबिखन घटना पनि बढ्दो छ । अपराधिक घटना प्रस्तुत गर्नेक्रममा ४ पत्रकारलाई धम्कि आएको घटना समेत उल्लेख रहेको छ । यी घटनाहरु प्रतिनिधिको रुपमा आएको मात्र हुन् । लुकेका र लुकाएका घटना धेरै रहेको उपस्थित अधिकार कर्मिहरुले बताएका छन् ।
बाहिर ल्याएको घटनाको तथ्याङ्क प्रत्येकघटनाको मिति, पीडितको नाम, पीडकको नाम, उमेर, घटनाको प्रकृति, कार्वाही,उपचार, हनन्, उल्लघंन तथा अपराध र मानव अधिकारको बिषय गोप्य राखिएको छ । प्रस्तुत गरेको घटना इन्सेकले मानव अधिकार बर्षपुस्तक २०२२ बाट विवरण सहित प्रकाशन गर्ने जिल्ला प्रतिनिधि जयकृष्ण यादवले जानकारी दिए । प्रकाशन पुर्व घटनाका बिषयहरुका समिक्षा गरेको हो । इन्सेकले प्रत्येक बर्ष सुनसरीमा मानव अधिकार हनन् तथा उल्लघंनका घटनाहरु संकलनगरी घटना न्युनिकरणकालागी सहजीकरण गर्दै आएको छ ।
बिशेष घटनाहुनु र घटना भएपनि पीडितले न्याय नपाउनु र पीडक उन्मुक्ति पाउनुको कारण राजनीतिक अस्थिरता, नीति नियमको फितलो कार्यान्वयन, नैतिकता, इमानदारिता र जवाफदेहिताको अभावले अपराधिक घटना र हिंसा हुने गरेको सहभागीहरुले औल्याएका छन् । इन्सेकमा कार्यरत रहेका तिन जनालाई सम्मन समेत गरेको छ । सम्मानित हुनेमा राजकुमार सर्मा, नुनु साह र शोभा मेहतालाई सम्मान गरेको इन्सेक जिल्लाले जनाएको छ ।