राख संवाददाता
झुम्का, माघ २४ । रामधुनी नगरपालिका वडा नं. १ मा रहेको रामधुनी इङ्गलिस बोर्डिङ्ग स्कुललाई कलेजको रुपमा बिस्तार गर्ने भएको छ । सरस्वती पुजाको अवसरमा आइतवार १ बिगहा २ कठ्ठा क्षेत्रफलमा भवन शिलान्यास गर्दै रामधुनी इङ्गलिस बोर्डिङ्ग स्कुल एण्ड कलेज तथा वि.एस.मोडल स्कुलको रुपमा निर्माण गर्ने भएको हो ।
बोर्डिङ्ग स्कुलले रु दुई करोड पचास लाखको लागतमा २० कोठे तिन तल्ले भवन निर्माण गर्न लागेको अध्यक्ष मोहमद युनुस रैनले जानकारी दिए । निर्माण गर्न लागेको सुबिधा सम्म भवनको शिलान्यास भवकृष्ण घिमिरेले गरे । सुबिधा सम्पन्न भवनले थप गुणस्तरीय शिक्षा प्रदान गर्ने बताएको छ । नयाँ भवनमा बिभिन्न बिधाको ल्याब सहित रहने छन् । बोर्डिङ्ग स्कुलको भवन नयाँ समितिको ब्यवस्थापनमा निर्माण गरिरहेको अध्यक्ष रैनले बताए ।
रामधुनी इङ्गलिस बोर्डिङ्ग स्कुल रामधुनी नगरको पहिलो बोर्डिङ्ग स्कुल हो । बोर्डिङ्ग स्कुल २०४३ सालमा स्थापना भई यस क्षेत्रमा शिक्षाको ज्योती प्रदान गर्दै आएको छ । अहिले कक्षा १२ सम्म संचालनमा रहेको छ । अध्यक्ष रैनले ल्याब सहित प्राबिधिक शिक्षामा जोड दिने बताएका छन् ।
