सुनिल चौधरी
झुम्का, फागुन ६ । भादगाउँ सिनुवारी बहुमुखी क्याम्पस (भा.सि.)को सुक्रवार भवन शिलान्यास भएको छ । थप गुणस्तरीय शिक्षा प्रदानकालागी रामधुनी वडा नं. ३ पिप्राहामा १० कठ्ठा क्षेत्रफलमा भवन शिलान्यास गर्दै बहुप्राबिधिक शिक्षामा जोड दिने भएको छ ।
क्याम्पसको रु ८ करोड ६३ लाखको लागतमा १८ कोठे तिन तल्ले भवन निर्माण गर्न लागेको व्यवस्थापक समितिका अध्यक्ष फौदसिंह थापाले जानकारी दिए । रामधुनी नगर प्रमुख जयप्रकाश चौधरीले भवन शिलान्यास गरेको अध्यक्ष थापाले बताए । क्याम्पसको नाममा जग्गा दाता पुरुषोत्तम काफले र भिम लुईटेलले १० कठ्ठा जग्गा दानमा उपलब्ध गराएका हुन् । आफनै भवनमा अध्यनअध्यापन गर्न सहज हुने भएकोले बहुप्राविधिक शिक्षा ल्याउने बिद्यालय समितिले जनाएको छ ।
दुई बर्ष भित्र तत्काल १२ कोठा निर्माणगरी क्याम्पसले आफनै भवनबाट सेवा प्रवाह गर्ने ब्यवस्थापन समितिकोे तयारी रहेको छ । क्याम्पस २०६७ सालमा स्थापना भई भासि माध्यमिक बिध्यालयको भवनमा पठनपाठन गर्दै आएको छ । भवन निर्माणकालागि रामधुनी नगरपालिकाले बहुबर्षिय क्रमागत रुपमा बजेट उपलब्ध गराउँने भएको छ । बिश्वबिद्यालय अनुदान आयोगले पनि सुरुमा ५० लाख दिने भएको छ भने भवनकालागि क्रमागत रुपमा बजेट उपलब्ध गराउने भएको क्याम्पस प्रमुख गोविन्द प्रसाद निरौलाले बताए । यसैगरी प्रदेश सरकार,सांसदकोष, जनसहभागिता, आन्तरिक स्रोतबाट बजेट रकम जुटाउने क्याम्पस प्रमुख निरौलाले जानकारी दिए ।
भवन निर्माणमा सहयोग गर्न सहयोगी हाथ बढाउदै रामधुनी नगरपालिका १ नं. वडा सदस्य हरीवंस साह रौनियारले शिलान्यास स्थलमै रु २३ हजार नगद व्यसवस्थापन समितिलाई प्रदान गरिएको छ । ब्यवस्थापन समितिका अध्यक्ष थापालाई रकम हस्तान्तरण गर्दै सबैजना मिलेर जनसहभागीता रकम जुटाउन अभियाननै चलाउनुपर्ने रौनियारले बताए । जनसहभागीता रकम बढे समयमै क्याम्पस निर्माण हुने उन्को धारणा रहेको छ ।
रामधुनी नगर आसपासका बिपन्न बिद्यार्थिहरुलाई सहभागी गराई सहुलियत रुपमा क्याम्पसले उच्च शिक्षाकालागि प्रोत्साहन गरिरहेको छ । क्याम्पसमा अहिले ब्यवस्थापन तर्फको बिबिएस र शिक्षा तर्फको बिएड संचालनमा छ । आगामी दिनमा बहुप्राविधिक शिक्षामा जोड दिनु पर्ने क्याम्पस भवन शिलान्यास कार्यक्रममा बक्ताहरुले सुझाव दिएका छन् । शिलान्यास कार्यक्रममा डेगराज फुयाल, नारायण काफ्ले लगायतका बक्ताले भवन निर्माणको सफलताको शुभकामना राखेका थिए ।