राख संवाददाता
झुम्का, फागुन ११ । थारु महिला सभा सुनसरीको नगर तथा वडा समिति पुनरगठनको क्रममा थारु महिला सभा इटहरी उपमहानगरपालिका १९ नं. वडा समितिको कार्य समिति चयन भएका छन् । सुजता चौधरीको अध्यक्षतामा ९ जना सदस्य रहनेगरी सर्वसहमत समितिका पदाधिकारीहरु च्यन भएको हो ।
समितिको उपाध्यक्षमा शान्ति चौधरी, सचिवमा रन्जना चौधरी, सहसचिवमा रमि चौधरी र कोषाध्यक्षमा कल्पना चौधरी चयन भएको थारु कल्याणकारिणी सभा केन्द्रिय सदस्य तथा निर्वाचन समिति संयोजक उर्मिला चौधरीले जानकारी दिईन् । सदस्यहरुमा सरस्वती चौधरी, लक्ष्मी चौधरी, हिरा चौधरी,देवकी चौधरी चयन भएका छन् ।
महिला सभाको बिधान अनुसार २ जना सदस्यलाई मनोनितगरी ११ सदस्यको समितिलाई पुर्णता दिने अध्यक्ष चौधरीले बताईन् । थारु संस्कार संस्कृतिलाई प्रवद्र्धन गर्न वडा समितिको रचनात्मक भुमिका रहने अध्यक्ष चौधरीले प्रतिबद्धता जनाए । थारु महिला सभा इटहरी उपमहानगर समितिको आइतवार भएको पुनरगठन संगै सोही निर्वाचन समितिले थारु महिला सभा इटहरी उपमहानगरपालिका १९ नं. वडा समितिले पुनरगठन गरेको निर्वाचन समिति संयोजक चौधरीले जानकारी दिएकी हुन् । आइतवार भएको नगर तथा वडा अधिवेशनले थारु महिला सभा इटहरी उपमहानगर समितिको सभापतिमा सुनिता चौधरी सर्वसहमत चयन भएको हो ।