राख संवाददाता
झुम्का,असार ३२ । रामधुनी नगरपालिका वडा नं. १ झुम्काकी १३ बर्षिय बालिका आज शनिवार नहरमा पौडी खेल्ने क्रममा डुबेर बेपत्ताहुदा अझै भेटिएको छैन् । सुनसरी–मोरङ सिंचाइ आयोजनाको नहरमा पौडी खेल्ने क्रममा बगाउँदा लिला माया बिक बेपत्ता भएकी हुन् । इलाका प्रहरी पकलीका प्रहरी र सस्त्र प्रहरीको गोताखोर समुहले खोजीकार्य गरिरहेको तर फेला पार्न नसकेको इलाका प्रहरी पकलीका प्रमुख रविन्द्र थापाले बताए ।
झुम्का स्थित भएको घटना सो घटना लगतै जानकारी हुनासाथ घटना स्थलमा खोजी गर्दा त्याहा नभेटिदा एक किलोमिटर सम्म समेत ५ घण्टा खोजि गर्दा अझै भेटिएको छैन् । दिनको १२ः१५ बजेति डुब्दा साँझ ५ बजे सम्म खोजि गरेको थियो । नहरको पानीको बहावले गर्दा खोजि कार्यमा समस्या भई भेटाउन नसकेको इलाका प्रहरी पकलीका प्रमुख रविन्द्र थापाले बताए । ‘चतरा देखिनै नहर बन्द गर्न लगाएका छौँ’ प्रमुख थापाले भने, भोली आईतवार बहाव कम भई खोजी कार्य सहजहुने छ’ ।
झुम्का स्थित नहरको डिलमा घर भई बस्दै आएकी बालिका घर नजिकै नुहाउन गएकी सो बालिका डुबेकी हुन् । बुबा आमा काम गर्न गएको र घरमा कोही नभएको अवस्थामा घटना भएको प्रहरीले जानकारी दिए । उनी संगै छिमेकी ७ बर्षिय बालिका समेत संगै गएकी साथी सकुशल रहेको प्रहरीको भनाइ छ ।