चन्द्रकला चौधरी
झुम्का,भदौ ४ । रामधुनीको झुम्का बजारमा आज सनिवार राधाकृष्ण रथयात्रा परिक्रमागरी सम्पन्न गरेको छ । श्री कृष्ण जन्मअष्टमीको अवसरमा प्रत्येक बर्ष झै यस बर्ष पनि झुम्का उद्योग बाणिज्य संघको आयोजनामा झुम्का बजार परिक्रमागरी १८ औं संस्करणको राधाकृष्ण रथयात्रा समपन्न गरेको हो ।
ऐतिहासिक तथा धार्मिक रथयात्रा झुम्केश्वर शिवालय मन्दिरमा विधिपूर्वक पूजाअर्जना गरेर रथयात्रा निकालिएको बाणिज्य संघको अध्यक्ष धमेन्द्र साहले जानकारी दिनुभयो । झुम्केश्वर शिवालय मन्दिरबाट रथयात्रा सुरु गरिएको हो । झुम्का बजारको लगुना चोक, शिव चोकगरी रथयात्रा परिक्रमागरी कृष्ण जन्मअष्टमी मनाएको छ ।
झुम्का उद्योग बाणिज्य संघको आयोजनामा प्रत्येक बर्ष हुने झुम्काको रथयात्रा रामधुनी नगरकै पहिचान बनेको छ । रथयात्रामा विभिन्न जातजाति समुदाय लगायत धार्मिक भेषभुषामा झाँकी प्रर्दशनी सहित सहभागी भएका छन् । रथयात्रामा आज दिउँसो विभिन्न वडाको गाउँ–गाउँबाट श्रद्धालु भक्तजनहरु सहभागी भएका थिए । रथयात्रामा नेवा दय दबु रामधुनी नगर समितिबाट लाखे नाच सहितको झाँकी प्रदर्शनी र सहभागीले थप रथयात्राको रौनक बढेको छ ।
रथयात्रालाई लक्षितगरेर इलाका प्रहरी पकलीबाट सुरक्षा दिएको थियो । सवारी साधन व्यवस्थितकालागि ट्राफिक प्रहरी परिचालन गरिएको थियो ।