चन्द्रकला चौधरी
झुम्का,पौष २५ । गौरीशंकर बचत तथा ऋण सहकारी संस्था लि. रामधुनी १ झुम्काको सोमवार साधारण सभा समपन्न भएको छ । रामधुनी नगर प्रमुख शंकरलाल चौधरीको प्रमुख अतिथीमा आ.ब.२०७८÷७९ को प्रगती र आर्थिक प्रतिवेदन सार्वजानिक गर्दै सहकारीको आफनै भवनको प्राङ्गणमा १३ औ साधारण सभा सम्पन्न गरेको हो ।
साधाराण सभाले नयाँ कार्यसमिति गठन गरेको छ । साधारण सभाले नयाँ कार्य समितिको अध्यक्षमा अन्जु कुमारी चौधरी सर्वसम्मत अध्यक्षमा चयन भएको छ । समितिको उपाध्यक्षमा रतिकला चौधरी लगायत सदस्यहरुमा रुवि हरिजन, सुनिता चौधरी, श्रृजना चौधरी, पानवती चौधरी, गीता विश्वकर्मा, बबिता चौधरी र साजन चौधरी चयन भएका छन् ।
सहकारीको लेखा सुपरिवेक्षण समिति तर्फ संयोजकमा सरस्वती चौधरी, सदस्यमा रिना देवि साह र मिना चौधरी चयन भएको छ । व्यवस्थापनमा टंक बहादुर सुनुवार र प्रशासकीय सहायकमा सावित्री चौधरी कार्यरत छन् ।
सरस्वती चौधरीको सभापतित्वमा भएको १३ औ साधारण सभामा प्रस्तुत प्रगती र आर्थिक प्रतिवेदन अनुसार बि.स.२०६६ सालमा स्थापना भई आ.ब.२०७८÷७९ सम्म संस्थाले रु ४ करोड ६ लाख ५३ हजार १३१ रुपैँया बचत संकलन गरेको प्रस्तुत प्रतिवेदनमा उल्लेख रहेको छ । संस्थाको शेयर पुंजी रु ९३ लाख ४७ हजार ८०० रुपैँया रहेको छ भने शेयर सदस्य बृद्धि भई १५११ जना पुगेको छ ।