राख संवाददाता
झुम्का, पौष ३० । तिला संक्राइत तथा माघी पर्वको अवसरमा प्रत्येक बर्ष गर्दै आएको कार्यक्रम तथा महोत्सव यस बर्ष पनि झुम्काको जितमहान चोकमा निरन्तरता दिदै मनाउँन तयारी गरेको छ ।
गत बर्षहरुमा आयोजना गरेको कार्यक्रम तथा महोत्सवले रामधुनी नगरपालिकाको झुम्का बजार जितमहान चोकबाट प्रदेश १ मै पर्वको मौलिकता सहित थारु परिकारलाई समेत प्रवद्र्धन गर्न सफल भएका थारु महिला उत्थान समाज रामधुनीले यस बर्ष झुम्कामा तिला संक्राइत माघी साँस्कृतिक कार्यक्रम गर्ने तयारी पुरा भएको आयोजकले जनाएको छ ।
कार्यक्रम मार्फत थारु साँस्कृतिक पहिचान प्रवद्र्धन गर्ने बिशेष उधेश्य रहेकोले कार्यक्रममा सहभागीका लागि उत्थान समाजले अनुरोध गरेको छ । साँस्कृतिक कार्यक्रमलाई थप रौनक बढाउँन मेगा डिजिटल रेकर्डिङ्ग स्टुडियो झुम्काको संयुक्त आयोजना रहने जनाएको छ ।
कार्यक्रम माघ १ गते आइतवारका दिन रामधुनी वडा नं. १ झुम्का बजारको सय मिटर पूर्व जित महान चोकमा भब्यताले कार्यक्रम मनाउँने आयोजकले जानकारी दिए । कार्यक्रम दिउँसो २ बजे देखि सुरु हुने छ । कार्यक्रममा पौराणिक धुम्रानाच, थारु भेष, भुषा, भाषाका गीतमा नृत्य, पर्वको परिकारहरुको प्रदर्शनी रहने छ । त्यसैगरी राष्ट्रिय र स्थानीय नृत्य र गायन क्षेत्रका कलाकारहरुको प्रस्तुतिकरण रहने छन् ।
रामधुनी नगर क्षेत्र थारु बाहुल्य र थारु साँस्कृति थलोको रुपमा पहिचान बनाइसकेकोले थारु महिला उत्थान समाज रामधुनीले थारु समुदायको प्रमुख चाँड तिला संक्राइतमा महत्व उठान हुने साँस्कृतिक कार्यक्रम गर्दै आएको संस्थाकी अध्यक्ष सिता थरुनीले बताउँनु भयो । कार्यक्रमले थारु समुदायको संस्कार मात्र हैन नगरकै पहिचान हुने र पर्यटन प्रवद्र्धनको समेत भूमिका कार्यक्रमको रहदै आएकोले यस बर्ष पनि सोही उधेश्यले आयोजना गरेको धारणा ब्यक्त गर्नुभयो ।
कार्यक्रममा थारु समुदायका कलाकारले साँस्कृतिक पहिचान झल्काउँने खालका बिशेष प्रस्तुति रहने मेगा डिजिटल रेकर्डिङ्ग स्टुडियो झुम्काका प्रवन्धक विशाल चौधरीले बताए । मेगा डिजिटल रेकर्डिङ्ग स्टुडियो झुम्काले थारु मौलिक पर्वहरुको साँस्कृति पक्ष आधारित सांगीतिक गीत भिडियो निर्माण गर्दै आएको छ ।
