राख संवाददाता
झुम्का, माघ ३ । तिलासंक्राइत माघी पर्व २०७९ को अवसरमा थारु महिला सभा गढी गाउँपालिका वडा नं. १ वडा समिति मधैलीले सांस्कृतिक कार्यक्रम सम्पन्न गरेको छ । थारु महिला सभा जिल्ला कार्यसमितिको अध्यक्ष सुशिला लेखीको प्रमुख आतिथ्यतामा पौष ३० गते शनिवार विविध साँस्कृतिक कार्यक्रमगरी उत्सवको रुपमा मनाएको छ ।
कार्यक्रम मार्फत स्थानीय थारु महिलाहरुले सामुहिक रुपमा मौलिक भेष भुषा सहित मौलिक परिकार प्रवद्र्धन गरेका छन् । कार्यक्रममा थारु भाषाको संगीतमा नृत्य र गायनले थारु कलाकारहरु साँस्कृतिक पहिचान झल्काएका छन् ।
कार्यक्रममा तिलासंक्राइत पर्वको महत्व उठान र महिला नेतृत्व विकासको जोड दिदै बक्ताहरुले धारणा ब्यक्त गरेका थिए ।
पर्वको अवसरमा आयोजित कार्यक्रमले थारु समुदायको एकता र थारु महिलाहरुको सशक्तिकरणको अभियानमा बल पुगेको प्रमुख अतिथी तथा थारु महिला सभा जिल्ला अध्यक्ष लेखीले बताउँनु भयो । गाउँ क्षेत्रको महिलाहरु विभिन्न समस्याबाट गुर्जिरहेको हुँदा सचेत र नेतृत्व विकास हुन आवश्यक रहेकोले थारु महिला सभा साँस्कृतिक लगायत उद्यम विकास कार्यक्रमगरी उत्थानमा लाग्नु पर्ने बताउँनु भयो ।
महिला सभा वडा समितिको अध्यक्ष फुलो चौधरीको सभापतित्वमा आयोजित कार्यक्रममा माननीय प्रदेश सांसद तथा थारु महिला सभा जिल्ला कोषाध्यक्ष समेत रहेका सुनिता गच्छदारको उपस्थिती रहेको थियो । यसैगरी पूर्व गाउँपालिका अध्यक्ष श्री प्रसाद यादव, पूर्व उपाध्यक्ष राजकुमारी चौधरी वडा अध्यक्ष लगायतका अतिथीहरुको सहभागीतामा कार्यक्रम भब्यता प्रदान गरेको आयोजक महिला सभा वडा समिति मधैलीले जानकारी दिए ।
