राख संवाददाता
झुम्का,फागुन १७ । महिला नेतृत्व क्षमता अभबिृद्धिका लागि रामधुनी ९ नं. वडा महिला समितिले उद्घोषण तालिम सम्पन्न गरेको छ । वडा कार्यालयको सहयोगमा तीन दिवसीय उद्घोषण तालिम सम्पन्न गरेको वडामहिला समितिकी अध्यक्ष मिना कार्कीले जानकारी दिनुुभयो ।
तालिमले बोल्ने कलामा विकास भएको सहभागी प्रशिक्षार्थी संगिता चौधरीले बताइन् । औपचारिक तथा मञ्चिय कार्यक्रम बारेमा जानकारी भएको र यसले आगामी कार्यक्रमहरु हामी महिलाहरु आफै संचालन गर्न सक्षम भएको सहभागी चौधरीले बताएकी हुन् ।
उद्घोषणका लागि उद्घोषक आयोजित कार्यक्रममा मध्यस्थकर्ता हुन् । यसले कार्यक्रमको सम्पूर्ण रुप रेखा तयारगरी कार्यक्रम अन्तिम रुप दिने रहेको र सो बारेमा जानकार भएको तालिममा सहभागी ऐलिना सिंहले अनुुभव सुनाइन् । उद्घोषणको अभ्यासमा डर भएपनि बोल्दै जादा सहज हुने उन्को भनाई छ ।
उद्घोषण कलाले क्षमता अभिबृद्धि भएको सहभागी दिपिका चौधरीले अनुुभव सुनाइन् । यस भन्दा पहिले थाहा थिएन तालिमबाट आफुमा उद्घोषण गर्न जागरुक भएको धारणा ब्यक्त गरिन् । उद्घोषण कलाले उद्घोषण गर्न मात्रै हैन सार्वजानिक कार्यक्रमहरुमा आफनो धारणाहरु लयगत रुपले राख्न सक्ने सक्षम समेत भएको चौधरीले जानकारी दिइन् । तालिम समापनमा सहभागीहरुले थप एक हप्ते उद्घोषण तालिमको माग समेत गरेका छन् ।
रामधुनी ९ नं. वडाका वडा अध्यक्ष घनश्याम चौधरीको प्रमुख आतिथ्यतामा तालिम आइतवारबाट सुुरु भएको थियो । तालिम समापन कार्यक्रममा जिल्ला सम्न्वय समितिका सदस्य लालकुमारी चौधरीले थप तालिमका लागि सहयोग रहने प्रतिबद्धता गर्नुभयो । वडाका १६ जना महलिाहरुले तालिमबाट लाभ लिएको जनाए । तालिम तीन दिन अमर खड्का र सुनिल चौधरीले सहजिकरण गरेको अध्यक्ष कार्कीले जानकारी दिनुुभयो ।
