राख संवाददाता
झुम्का,फागुन २२ । रंग र अबिरको पर्व होलीको अवसरमा मिथिला एकता समाज रामधुनी नगर समितिले सोमवार होली मिलन कार्यक्रम सम्पन्न गरेको छ । पर्वको प्रमुख विशेषता मानिने सदभाव र एकताले उन्नत समाज निर्माणमा सहयोग पुुग्ने उधेश्य सहित मिथिला एकता समाजले होली मिलन कार्यक्रम आयोजना गरेको नगर समिति अध्यक्ष भोला प्रसाद रौनियारले जानकारी दिनुुभयो ।
विभिन्न रंगका रंग र अबिर जस्तै नेपाली समाजमा समुदाय विविधता रहेकोले विविधतामा एकता र सदभाव कायमको निरन्तरतामा थप बल पुर्याउँन बिगत तिन बर्ष देखि समितिले होलि मिलन कार्यक्रम गर्दै आएको समितिले जनाए ।
यस बर्षको कार्यक्रम नगर उपप्रमुख तारा थापाको प्रमुख आतिथ्यतामा रंग र अबिर लगाई एक आपसमा सुुभकामना आदान प्रदान गरेको छ ।
एकता र सदभावले संस्कार, संस्कृति र लोकपरम्परा संरक्षण हुने भएकोले पर्वको अवसरमा आयोजना गरेको कार्यक्रम सार्थक रहेको नगर उपप्रमुख थापाले बताउँनुु भयो । कार्यक्रममा बोल्दै उपप्रमुुख थापाले मिथिला समाजका समुदायहरु रामधुनी नगर विकासमा अथक भूमिका रहेको भन्दै नगर उपप्रमुख थापाले आफनो धारणा ब्यक्त गर्नुभयो ।
नगरमा मिथिला समुदाय १० हजारको जनसंख्यामा रहेको भएपनि राजनीतिक अधिकारमा पहुच पुुर्याउँन नसकेको उठान गर्नुभयो । यसका कारण दल तथा पार्टीमा एक जातिय सोच धारणा भएकोले मिथिला समुुदायलाई बाइपास गर्ने गरेको नगर समितिका अध्यक्ष रौनियारले कार्यक्रम मार्फत मिथिला समुदायको अवस्था बारे जानकारी दिनुुभयो ।
होलिका जस्तो गर्ने नाकारात्म सोचहरु समाजबाट दहन हुनुु पर्ने कार्यक्रममा बक्ताहरुले उठान गरेका छन् । आफुु गर्न नसक्ने तर अरुको बारेमा नभएका नाकारात्मक कुरा फैलाउने होलीका, पुतना जस्ता बिचार भएकाहरुलाई समाजबाट बहिष्कारगरी दहन गर्नुपर्ने बक्ताहरुले जोड दिएका थिए । कार्यक्रममा जितेन्द्र नायक, श्यामकुुमारी साह, सुदिप अधिकारी, सुुरेश साह, पुर्णबहादुर श्रेष्ठ, चित्रबहादुर कार्की, इश्वर घिमिरे, राजकुमार साह, सिता थरुनी, रामकरण खड्गा, सोहन साहले आफनो धारणा राखेका थिए ।
कार्यक्रममा सभापतित्व मिथिला समाजका जेष्ठनागरिक घुरण ठाकुुरले गर्नु भएको थियो । स्वागत मन्तव्य उपाध्यक्ष धमेन्द्र साहले गर्नुभयो भने कार्यक्रममा उद्घोषण राजु साहले गर्नुभएको थियो ।
