चन्द्रकला चौधरी
झुुम्का,जेष्ठ १६ । थारु कल्याणकारिणी सभा (था.क.स.) रामधुनी नगर समितिको नव निर्वाचित पदाधिकारीहरुलाई मंगलवार सपथ तथा पदस्थापन गरिएको छ । रामधुनी नगर प्रमुख शंकरलाल चौधरी र उपप्रमुख तारा थापाको उपस्थितीमा पदस्थापनगरी प्रमाण पत्र वितरण गरेको हो ।
नयाँ कार्य समितिका सभापति राजकुमार चौधरी सहित २१ सदस्य समितिका पदाधिकारीहरु थारु समुदायको साँस्कृतिक, आर्थिक, सामाजिक अधिकार संरक्षण र रामधुनी नगर विकासमा सक्रृयताका साथ कार्य गर्ने प्रतिबद्धता गरेका छन् । समितिका पदाधिकारीहरुलाई निर्वाचन संयोजक देवेन्द्र चौधरीले सपथ ग्रहण गराएका छन् ।
रामधुनी नगर कार्यसमितिको प्रथम नगर अधिवेशनबाट सहर्वसहमतिले निर्बिरोध सभापतिमा राजकुमार चौधरी, प्रथम उपसभापतिमा पुरण चौधरी, दृतिय उपसभापति सिता चौधरी थरुनी, तृतिय उपसभापतिमा सनम चौधरी, सचिवमा जनक चौधरी, सहसचिवमा सुष्मा चौधरी, कोषाध्यक्षमा करण कुमार चौधरी चयन भएको हो ।
सदस्यहरुमा कृष्ण कुमार चौधरी, देवानन्द चौधरी, अमित कुमार चौधरी, सरिता चौधरी, धनिराम चौधरी संजिता चौधरी, जिवन कुमार चौधरी, कमली चौधरी, सतनी चौधरी, कविता चौधरी, ठकिया चौधरी, रेखा चौधरी, मन्सा चौधरी, जितन लाल चौधरी चयन हुँदै समितिलाई पूर्णता दिएको हो । कार्यक्रमबाट थाकस वडा इकाई समितिका नव निर्वाचित समितिका पदाधिकारीहरुलाई समेत प्रमाण पत्र प्रदान गरिएको छ ।
यसैगरी प्रथम नगर अधिवेशनको औपचारिक कार्यक्रमबाट थरुहट प्राप्ती आन्दोलनमा घाइते भएका र योगदान गरेकाहरुलाई सम्मान गरिएको छ । तदर्थ समिति संयोजक जानकी चौधरीको सभापतित्वमा जेष्ठ ५ गते सुक्रवार प्रथम नगर अधिवेशनको औपचारिक कार्यक्रम तथा नयाँ समिति चयन भएको थियो । निर्वाचन मण्डलमा संयोजक देवेन्द्र चौधरी, सदस्यहरुमा बसन्त चौधरी, तारा चौधरी, महेश चौधरी र बिजय चौधरी रहेका थिए ।
पदस्थापन कार्यक्रममा थाकस पूर्व केन्द्रिय अधयक्ष चन्द्रकुमार चौधरी, रामधुनी नगर प्रमुख शंकरलाल चौधरी, उपप्रमुख तारा थापा, रामधुनी ९ नं. वडाअध्यक्ष घनश्याम चौधरी, थाकस पूर्व केन्द्रिय सदस्य दिपनारायण चौधरी, थाकस पूूर्व केन्द्रिय पार्षद केशिलाल चौधरी, थाकस इटहरी उपमहानगर समिति उपाध्यक्ष बबिता चौधरी, थारु महिला उत्थान समाजकी अध्यक्ष आशा चौधरीले समुदायको हरेक पक्षबाट विकास गर्नु पर्ने आवश्यक्ता रहेकोले ध्यान र चासो दिई कार्य गर्नु पर्ने सुुझाव दिदै कार्यकालको सफलताको शुुभकामना दिएका थिए ।
