राख संवाददाता
झुुम्का, जेष्ठ २७ । स्वरकी धनी चर्चित गायिका अनुु चौधरीले रामधुनी महोत्सव तताउँने भएको छ । प्रथम रामधुनी महोत्सवमा साँस्कृतिक कार्यक्रम अन्तर्गत जेष्ठ २७ गते शनिवार गायिका अनु चौधरीले प्रस्तुती राख्ने आयोजकले जानकारी दिएको हो ।
थारु, भोजपुरी, नेपाली भाषाको सुुमुधुर गीत गाएर गायिका चौधरी चर्चित छिन् । गायिका चौधरीले ‘बोले चुरी बोले कंगना………. ’ ‘सजना मोर आइगी न खुसीके लै के बहार…….. ’ ‘ए होर माया…….’ ‘दिन गीन गीन…………’ ‘मन लागेना अब बिन तोहार………’लगायत का गीत गाएर चर्चामा छिन् ।
स्वर की धनि गायिका चौधरी रामधुनी महोत्सवको आठौ दिन प्रत्यक्ष रुपले संगीतमय बनाउँने महोत्सव संयोजक बिनोद चौधरीले बताए । सांगीतिक तथा साँस्कृतिक कार्यक्रमबाट प्रत्यक्ष मनोरंजन लिन सकिने भएकोले महोत्सव आज संगीत पारखीहरुको बिशेष दिन हुनेछ र संगीतमय हुने संयोजक चौधरीले बताए ।
महोत्सवमा स्टल बुकिङ्ग खुल्ला गरिएको छ । महोत्सव जेष्ठ १९ गतेबाट उद्धघाटन भएको छ भने असार ५ गते सम्म संचालनमा रहने आयोजक रामधुनी युवा क्लवले जानकारी दिएको छ । स्टल बुुकिङ्गका लागि बिनोद चौधरीको मोबाइल नं. ९८०५३८२४९६ मा सम्पर्क गर्न अनुरोध समेत गरिएको छ ।