राख संवाददाता
झुम्का,जेष्ठ २७ । थारु कल्याण कारिणी सभा (था.क.स.) रामधुनी नगर कार्य समितिको नेतृत्वमा झुम्का बजार सरसफाई समपन्न गरेको छ । ५० औ अन्तराष्ट्रिय वातावरण दिवसको अवसरमा सरसफाई सप्ताह कार्यक्रम २०८० अन्तर्गत रामधुनी नगरलाई सफा र स्वच्छ बनाउँन सरसफाई अभियान संचालनगरी सम्पन्न गरेको हो ।
सरसफाई कार्यक्रममा नगरप्रमुुख शंकरलाल चौधरी,थाकस पूर्व केन्द्रिय अध्यक्ष चन्द्रकुमार चौधरी, झुुम्का उद्योग बाणिज्य संघका अध्यक्ष नविन चौधरी, नेपाल पूर्व प्रहरी संगठन रामधुनी नगरका अध्यक्ष चित्र बहादुर कार्की सहित सरसफाई अभियान कर्ताहरुको सहभागीता रहेको थियो ।
‘साफा रहौँ, स्वस्थ बनौं’ नारा सहित सरसफाई अभियानलाई गाउँ टोल स्तरमा समेत सचेतना दिने उद्धेश्य रहेको था.क.स.रामधुनी नगर समितिका अध्यक्ष राजकुमार चौधरीले जानकारी दिए । सरसफाई हाम्रो स्वास्थय, सम्पति, प्रतिष्ठा र प्रगती संग जोडिएकोले रामधुनी नगरको प्रमुख बजार झुम्का बजार सरसफाई गरेको अध्यक्ष चौधरीले बताए ।
सरसफाईको सुचकमा सुचना शन्देसको माइकिङ्ग र प्लेकार्ड सहित सामुहिक रुपमा सरसफाई गरेको हो । सरसफाई अभियानमा ‘जथाभावि फोहोर नफालौ, तपाई हाम्रो घर, आँगन, बजार, पसल, सफा राखौँ’ । ‘घर आंगनमा थरी थरीका फुलको बिरुवा लगाउने र सजाउने गरौँ,ठाउँ नभए अन्य बिकल्प अपनाई २ वटा बिरुवा अनिवार्य लगाऔँ ।’‘जेकर घर मे चर्पि नै छै, तेकर घरमे बिहा नैकरबै । सबैले सधै चर्पिमा दिसा पिसाब गरौ । कुहिने र नकुहिने फोहोर छुटियाएर अलग अलग राखौं । खाना बनाउँनु र खुवाउँनु अधि साबुन पानिले हाथ सफा गरौ । पानी पिउने रारख्ने भाडो सधै सफा गरौ । बासी खाने कुराहरु प्रयोग नगरौ । प्लास्टिक झोलाको सटा बैकल्पिक झोला प्रयोग गरौ लगायतका माइकिङ्ग र प्लेकार्डबाट सुचना शन्देस दिएका थिए ।
आफनो गाउँ टोल बजार सफा र व्यवस्थित बनाउने हामी सबै को कर्तब्य र जिम्मेवारी रहेकोले नगर पालिका, स्वयम नगरवासी आफै सरसफाइका लागि प्रमुख रुपमा लिनुपर्ने उपाध्यक्ष सिता थरुनीले जानकारी दिइन् ।
थारु कल्याणकारिणी सभा रामधुनी नगर समितिको आयोजनामा सहयोग रामधुनी नगरपालिका सहकार्य र समन्वय झुम्का उद्योग वाणिज्य संघ, थारु महिला उत्थान समाज रामधुनी र नेपाल पूर्व प्रहरी संगठन रामधुनीको रहेको थियो ।
