रामधुनी खबर संवाददाता
झुम्का, फागुन २६ । सामुदायिक तथा संस्थागत बिद्यालयहरुको शिक्षा गुणस्तर र वृत्ति विकासका लागि तालिम संचालन गरेको छ । रामधुनी ९ नं. वडाको सहयोगमा वडा अन्तर्गत रहेको बिद्यालयहरुमा बिद्यार्थीहरुको आकर्षण बढाउन शनिवारबाट शिक्षक, शिक्षिकाहरुलाई तिन दिवसिय कक्षा कोठा व्यवस्थापन तथा आधुनिक शिक्षण पद्धती तालिम संचालन गरेको हो ।
आगामी शैक्षिक सत्र २०८१ का लागि बिद्यालयमा विद्यार्थी संख्या बृद्धि र गुणात्मक शिक्षा सुधारको तयारी गर्न बिद्यायलको प्रद्यानाध्यापक र शिक्षकहरुलाई आधुनिक शिक्षण तालिमको आयोजना गरेको वडा अध्यक्ष घनश्याम चौधरीले बताए ।
“शिक्षित समाजले सर्वपक्षिय विकासको धेय राखेको हुन्छ, तसर्थ पुरानो शैलिको शिक्षण विधि अहिले सार्थकता नदेखिएको हुँदा समय परिवर्तन अनुसार शिक्षामा शिक्षण उपलब्धि बढाउन आवश्यक छन्, समाजमा शिक्षित, आर्थिक, साँकृतिक, अनुशासित साकारात्मक परिवर्तन गर्न पहिलो प्रयास शिक्षा मार्फतनै हुने गरेकोले वडा कार्यालयको प्राथमिक्तामा शिक्षा विकासलाई राखेका छौ” वडा अध्यक्ष चौधरीले जानकारी दिए ।
जिल्ला समन्वय समिति सुनसरी सदस्य लालकुमारी चौधरीको प्रमुख आतिथ्यतामा तालिम उद्धघाटनगरी संचालन गरेको छ । तालिम उद्धघाटन कार्यक्रममा शिक्षक रमेश कार्की, चन्द्रकमल माबिका प्रधानाध्यापक मायाराम चौधरीले शिक्षण पद्धती परिवर्तन गर्नु पर्ने आवश्यक्ताका बारेमा धारणा ब्यक्त गरेका छन् । बक्ताहरुले यस तालिमबाट बिद्यालयको शिक्षा गुणस्तरमा बृद्धिभई विद्यार्थीहरुको अध्ययनमा उच्च मुल्याङ्कनको आधार प्राप्त हुने र बिद्यार्थीको आकर्षण बढ्ने लगायत अभिभावको चाहना पुराहुने बताए ।
एराइज नेपाल सोसाइटी सुन्दरहरैचा मोरङ्गको आयोजना र रामधुनी ९ नं. वडा कार्यालयको सहयोगमा तिन दिवसिय तालिमको सहजिकरण सेवक भट्टराईले गर्दैछन् भने डुम्राहाको सामुदायिक भवनमा संचालित तालिममा ३० भन्दा बढी शिक्षक, शिक्षिकाहरुको सहभागीता रहेको छ । सहजकर्ता भट्टराई २१ बर्ष संस्थगत विद्यालयमा शिक्षण पेशामा आबद्ध रहेका थिए ।