चन्द्रकला चौधरी
झुम्का, मंसिर २५ । लैङ्गिक हिंसा न्युनिकरणकालागी रामधुनी नगरपालिकाले सुरु गरेको १६ दिने अभियानमा बुधवार रामधुनी १ नं. वडामा लैङ्गिक हिंसा बिरुद्धको सचेतना कार्यक्रम आयोजना गरेको छ । वडा कार्यालयको सहयोगमा वडामहिला समितिले लैङ्गिक हिंसा पहिचानगरी न्युनिकरण गर्ने उधेश्यले १ दिवसिय कार्यक्रमको आयोजना गरेको हो ।
हिंसा ब्यवहार, महिला पुरुषमा श्रमबिभाजनले ज्यालामा फरक, बालबालिकामा अभिभावकत्व बिभेद, गलत संस्कार परमपरा, नियन्त्रण गर्न खोज्ने, झुठा आरोप, परिवेसले हुने गरेको इलाका प्रहरी पकली प्रमुख कैलाश अधिकारीले कार्यक्रम मार्फत पहिचान गराए । आर्थिक हिंसा, यौनजन्य हिंसा जस्ता शारिरीक र मानसिक रुपमा हिंसा हुने गरेको अधिकारीले बताए । समता र समान्ता समाजमा स्थापित हुन सके लैङ्गिक हिंसा न्युनिकरण हुन सक्ने अधिकारीले सुझाव समेत दिए ।
नगर उपप्रमुख सविना चौधरीले महिला, बालबालिका, जेष्ठ नागरीक तथा पुरुषनै भए पनि सबैमा हिंसा हुने गरेको बताइन् । यस प्रति सचेत भएर हिंसा नगरौँ, हिंसा नसहौँ यदि भयो भने प्रतिकारमा उर्तिनु पर्ने उपप्रमुख चौधरीको भनाइ रहेको छ । अरु प्रतिको समान सोचले लैङ्गिक हिंसाको अन्त्य हुन सक्ने वडा अध्यक्ष महेश चौधरीले उठान गरे । महिलाले पनि पुरुष सरहनै स्रोत साधन उपभोग गर्न सक्छन् तर दृष्टिकोणमा समान हुनु पर्ने जोड दिए ।
कार्यक्रम वडा महिला समितिकी अध्यक्ष आशा चौधरीको सभापतित्वमा भएको हो । कार्यक्रममा स्वागत समितिकी उपाध्याक्ष सिता चौधरीले गरिन् भने सचिव तारा थापाले कार्यक्रम संचालन गरेकी थिईन् । सचेतना अभियानमा वडाका पचिस जना भन्दा बढीको सहभागीता भएको आयोजक वडासमितिले रामधुनी खबर साप्ताहिक पत्रिकालाई जानकारी दिएका हुन् ।
