सुनिल चौधरी
झुम्का, मंसिर २६ । प्रधानमन्त्री रोजगार कार्यक्रम अन्तर्गत कामका लागि पारिश्रमिकमा आधारित सामुदायिक आयोजना अन्तर्गत रामधुनी नगरका ३ सय ४३ जना सुचीमा परेका छन् । रोजगार सेवा केन्द्र रामधुनीबाट दर्ता आव्हावान गरे अनुसार प्रत्येक वडाबाट ३८ जना सुचीमा परेका हुन् ।
बेरोजगारहरुलाई रोजगार उपलब्ध गराउने उधेश्यले ल्याएको योजनाका फारम भरिएकाहरु सुचीमा परेकाले दर्ताकालागी सुचना जारी गरेको छ । सुचीमा पर्नेहरु आ–आफनो वडामा दर्ता गर्न सकिने जनाएको छ । सुचीमा परेकाहरु दर्ताहुन आएकाहरुलाई सामुदायिक आयोजनाका कामहरुमा संलग्न गराइने, सिप, तालिमहरु गराईने छन् । उनीहरुलाई प्रतिदिनको रु ५सय १७ रुपैया सरकारले उपलब्ध गराउने सेवा केन्द्रका प्रमुख खगेन्द्र सुब्बाले जानकारी दिए ।
रोजगार कार्यक्रमकालागी सय दिनको समझौता रहने छन् । १८ बर्ष देखी ५९ बर्ष उमेर समुहका दर्ता हुन आएका बेरोजगार नागरिकलाई छनौट गरिएको छ । ‘सबैका लागि रोजगार, संवैधानिक अधिकार’ भन्ने नारासहित २०७५ फागुन १ गतेदेखि सरकारले प्रधानमन्त्री रोजगार कार्यक्रम सुरु गरेको हो ।
