सुनिल चौधरी
झुम्का, मंसिर ३० । कोभिड–१९ महामारीले बिश्वमा त्रास सिर्जना गराई रहेको अवस्थामा न्युनिकरण गर्न सबै पक्षबाट पहल भइरहेको छ । बिकसित तथा बिकासोन्मुख मुलुकहरु आप्mनै स्रोत र साधनबाट महामारी बिरुद्ध सामना गरिरहेको अवस्था छ । यस महामारीको अवस्थामा नेपाल सरकारले प्रत्येक स्थानिय तहहरुमा अस्थाई कोभिड अस्पताल निर्माणकालागी उपलब्ध गराएको योजना रामधुनी नगरपालिकाले पनि अवसरको सदुपयोग गरेका छन् ।
रामधुनी नगरपालिकाले अवसरको सदुपयोग गर्दै नगर स्तरीय कोभिड अस्पताल उद्धघाटनगरी संचालनमा ल्याएको छ । नगर प्रमुख जयप्रकाश चौधरीको प्रमुख आतिथ्यतामा जग्गादाता रिसी घिमिरेले अस्पताल उद्धघाटन गरेकी हुन् । नेपाल सरकारको रु १० लाखको बजेट कोभिड अस्पताल कर्मचारीको खर्चमा रहने भएकोले सो को सहयोगबाट अस्थाई रुपमै भएपनि रामधुनी वडा नं. ५ मा नगरस्तरीय कोभिड १९ अस्पताल संचालनमा ल्याएको छ । आधारभुत स्वस्थ्य केन्द्रकालागी उपलब्ध जग्गा र भवनमा ५ शय्याको कोभिड अस्पताल संचालन गरेको हो ।
अस्पतालमा एमबिबीएस चिकित्सकको निगरानिमा रहने तथा भर्ना संक्रमितलाई अप्ठयारो महसुस भए राय सुझाव सल्लाह सहित उपयुक्त अस्पतालमा रेफर गर्ने छन् । निगरानिकालागी छनौट भएका चिकित्सक जितेन्द्र ठाकुर र दुई नर्स रहने छन् । चिकित्सक ठाकुरले ओपिडी सेवा र फिभर क्लिनिक संचालन हुने जानकारी दिएका हुन् ।
हालमा परिक्षणको ल्याब नभएपनि आगामी योजनामा परिक्षण ल्याब, भिडियो एक्सरे, परिक्षण गर्ने साधन स्रोत जुटाउने वडा अध्यक्ष डेगराज फुयालले जानकारी दिए । अहिले हामि तत्काल एम्बुलेन्सको ब्यवस्थापनमा लागेका छौ, बिरामीलाई सहज रुपमा पठाउन एम्बुलेन्सकालागी वडाका २४ वटा टोल बिकासले प्रत्येक घरधुरीबाट रकम संकलन गरिरहेको बताए । २३ वटा टोलबिकासले रु ८ लाख संकलनगरी वडाकार्यालयलाई उपलब्ध गराइ सकेकोले हामी एम्बुलेन्सको नजिक पुगेको वडा अध्यक्ष फुयालले बताए ।
एम्बुलेन्स संचालन सेवा वडाका वडावासीहरुले पचास प्रतिशत सौहलियत पाउने जनाएकोे छ । वडाका वडावासीहरुको जनश्रमदान उलेख्य रहेकोले वडामा बिकास सम्भव भएको समेत वडा अध्यक्ष फुयालले बताएका हुन् ।
कोभिड अस्पताल उद्धघाटन कार्यक्रममा वडाअध्यक्ष रुद्र बस्नेत, मनेष चौधरी, इलाका प्रहरी पकली प्रमुख कैलाश अधिकारी, समाज सेवी नन्द कुमार बस्नेत, खगेन्द्र काफलेले सफलताको शुभकामना ब्यक्त गरेका थिए ।
