रा.ख. सम्वाददाता
झुम्का पौष २७ । ‘एक बोतल दारु दुई बोतल दारु जे नै पिए उ कुन थारु’,………. ‘आब छोड दारु सचेत हो सब थारु’ राम धामीको आफनै शब्द र सगित रहेको जनचेतना मुलक थारु भाषाको गित हो । यस लगायत थारु भाषामा जनचेतना जगाउने र सांस्कृतिक उठान गर्ने धेरै गितहरु छन् । उहाले लोप हुदै गरेको पौराणिक बोल्ने थारु शब्दहरुको संग्रह समेत गर्दै हुनुहुन्थ्यो । यस संग्रहले मौलिक र परम्परा देखिनै बोल्दै आएको थारु शब्दहरु सुरक्षित हुन्थ्यो तर उहाको निधनले थारु समुदायमै अपुरणीय क्षति पुग्न गएको छ ।
युवाहरुमा संगित दान दिएर संगित कर्मि जन्माएका छन् । संगीत साधना प्रतिष्ठान ईटहरीका अध्यक्ष ,संगितकार एवं कलाकार, संगीत तथा नाट्य प्रज्ञा प्रतिष्ठानका पूर्व प्राज्ञ सभा सदस्य रहेका राम धामी फोक्सो निमोनियाको उपचारका क्रममा दुखःद निधनको खबरले सबैमा स्तब्ध बनाएको छ । कोरोना पोजेटिभ भएर दुई हप्ताअघि उनलाई धरानको कोभिड अस्पतालमा भर्ना गरिएको थियो । गत बुधबारको पिसिआर रिपोर्टअनुसार कोरोना नेगेटिभ देखिए पनि निमोनियाले ग्रस्त बनाएपछि आइसियुमा उपचार सुरु गरिएको थियो । स्वास्थ्य अवस्था अस्थिर बनेपछि उनको स्वास्थ्यलाई लिएर चिन्ता व्यक्त गरिएको थियो ।
उहाको शवलाई आज बिहान ८ बजेदेखि १० बजेसम्म संगीत साधना प्रतिष्ठानमा श्रद्धाञ्जलिका लागि राखिने र बुढिगंगामा दाहसंस्कार गरिने बताइएको छ ।
